“Hiwalay na.”
Ayan ang hatol ng netizens sa Kapamilya couple na sina Janella Salvador at Markus Paterson base sa naging sagot ng “Valentina” actress sa pangungumusta ni Momshie Regine sa “Magandang Buhay” nitong Miyerkules.
Tila nakorner si Janella nang kumustahin ni Momshie Reg ang estado ng relasyon nila ni Markus.
“Basta Ate Reg, masaya kami individually,” matipid lang na saad ni Janella.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Dagdag ng aktres, sa ngayon ay ang anak na si Jude ang prayoridad nila ni Markus.
“As long as you both know that then you guys will be fine. Ang importante naman hindi ma-miss out ni Jude ‘yung kailangan niya ma-experience between the two of you. ‘Yun lang naman ‘yun eh; na alam niyang kumpleto siya,” payo naman ni Momshie Reg sa young mom.
Hindi naman nakaligtas ang aktres sa mga intrigirang netizens na tinalakan maging ang matipid na sagot ni Janella.
“Hiwalay na sila, co-parenting setup fopr Jude. Chinarot2 pa yung answer,” komento ng isang netizen sa ABS-CBN Entertainment YouTube channel.
“I think they were co-parent to baby Jude pero sa relationship i guess hiwalay na sila based on her answer,” segunda ng isa pang netizen.
“Bakit kaya di pa masabe na hiwalay na!! And so sad lang na kung kailan nagkaanak, dun pa naghiwalay.”
Bilang depensa sa aktres, naniniwala naman ang ilang fans ni Janella na may rason kung bakit ayan na lang ang sagot nito sa ngayon.
“Bakit ‘di masabi na hiwalay na sila? Because right now hiwalay sila. I think it's a mutual decision para mag-grow sila at magmature individually but they are not closing their doors na magkabalikan someday when the right time comes and na-achieve na nila mga gusto nila ma.achieve on their own. Yun yon! Let them be,” talak ng isang netizen.
“I think they are not separated...but they respect their own priority or career.”
Sa isang ulat noong Hunyo ng talent manager na si Ogie Diaz, kumpirmado na umanong nag-split ang Kapamlya couple.
“Pero alam ko talaga kahit nakatira sa isang bahay ay jiwalay [hiwalay] sila,” sabi noon ni Ogie.
Ngayong isa nang ganap na mommy, tiwala si Janella na malalagpasan niya ang lahat para sa kaniyang anak.
Nakatakdang bumida si Janella bilang "Valentina" sa inaabangan nang muling paglipad ni "Darna" sa darating na Agosto 15.
