World tour? Comeback?
Ito ang dalawa sa teyorya ng maraming fans sa inilabas na serye ng teaser ng P-pop powerhouse SB19.
Dalawang teaser video na ang agad na umintriga sa A’TIN, fans ng five-member group SB19 na kasalukuyang wala pang pahayag ukol sa susunod na proyekto nito.
Sa halos isang minutong teaser nitong Linggo, maririnig ang isang anunsyo sa radyo kaugnay ng isang “gadget from the future” na natagpuan sa Maynila.
Ria Atayde, flinex paboritong bahagi ng araw niya
“Strange times we live in. Just a few minutes ago, what seemed like a ‘gadget from the future’ was found in Manila. Incidentally, an eyewitness caught sight of 5 unidentified men leaving the scene,” dagdag ng ulat.
“Currently, the location of these men is yet to be known. Authorities are putting up a reward for any leads,” pagpapatuloy ng radio announcer na sinundan ng isang update sa ulat dahilan para maputol ito ng ilang segundo.
“This just in. The 5 men have been found!” saad ng announcer habang maririnig itong tila hindi makapaniwala sa natanggap na detalye.
“In what country? How is that possible?”
“You heard that folks. These men seem to have traveled thousands of miles in a span of seconds. Are they holding the keys to bypass rules of time and space? Is this what the future awaits for us?” pagtatapos ng anunsyo.
Hula ng A’TIN, konsepto ito ng music comeback ng SB19 ngayong 2022.
Taong 2021 pa ng huling ipromote ng grupo ang chart-topping single na “Bazinga” na kabilang sa kanilang pinakaunang extended play (EP) na “Pagsibol.”
Mula noon, hindi na muling naglabas ng opisyal na bagong kanta ang grupo maliban sa mga solo release nina Pablo noong Enero at Ken nitong Mayo, at ilang partnership at endorsement song collaboration.
Kaya naman hinuha ng fans ngayon, sa wakas, magbabalik na sa music charts ang SB19.
Narito ang ilan sa mga komento ng A’TIN sa teaser:
“Comeback na talaga to!”
“MYSTERIOUS MAHALIMA ARE DEFINITELY COMING BACK!”
“Comeback or world tour????”
“The comeback of PPop Kings ! Lezzz Go”
“#WhereIsSB19our Mahalima is coming soon....COMEBACK!! IS TRUE
”
“Omg!!! This is it, the comeback that we've been waiting for”
“As an American, the use of “miles” rly got me bec the rest of the world uses the metric system eeepp!!”
“Comeback for real, omgg!!!!”
“I think they will perform abroad???”
Sa isa pang hiwalay na teaser nitong Martes, Agosto 9, mababasa ang parehong matalinhagang caption nito na tila pasilip pa rin sa bagong tema ng kanilang brand new song.
Sa pag-uulat, wala pang opisyal na anunsyo ang SB19 kaugnay ng inihahandang pasabog.
