Top 20 ng Idol Philippines S2, pinakilala na; ilang netizens, dismayado sa resulta-Balita

Mahigit isang buwan matapos muling umere ang Idol Philippines, ipinakilala na ang Top 20 ng ikalawang season. Tila hindi naman nagustuhan ng ilang netizens ang latest cut ng kompetisyon.

Nitong Linggo, Agosto 7, nakilala na ang dalampung artist na magpapatuloy sa reality singing competition.

Kabilang sa listahan si Ann, Anthony, Bryan, Darius, Delly, Drei, Esay, Isaac, Jarea, Jean, Khimo, Kice, Misha, Nisha, PJ at Trisha.

Nauna nang lumusot sa Top 20 ang platinum ticket holders na sina Kimberly, Ryssi, Dominic at Chester.

Ang listahan ay inanunsyo sa official Facebook page ng programa kasunod ng dalawang linggong pag-ere ng middle round o tinawag ding “Do or Die” section ng kompetisyon.

Tila hindi naman nagustuhan ng ilang netizens ang latest cut at hinanap ang kani-kanilang manok sa Top 20.

Kabilang sa sigaw ng maraming netizens ang online streaming star na si Chloe Redondo na naligwak sa kompetisyon.

Basahin: Chito Miranda, bakit nagdalawang-isip maging hurado ng Idol Philippines? – Balita – Tagalog Newspaper Tabloid

Hinanap din ng netizens ang mga contenders na sina Brei, Lecelle, Jerold, Dior bukod sa iba pa.

“Ang unfair ng pickings niyo, yung mga nagkamali nakapasok,” komento ng isang netizen sa anunsyo.

“Sayang si Chloe!!!! Bat naman gnunang galing niya eh, siya yung nag highlight sa group nila for meaabangan ko pa naman siya sa Solo Round niya huhu!”

“I made a list earlier while watching the do-or-die round, they were all amazing but unfortunately Dior and Chloe didn't make it. ): Chloe is deserving to enter the top 20 a lot better!” segunda ng isa pang netizen.

“Not so good for this season! It's obvious that they wanted to create a new star! But to drop artists that are really deserving than others?! HAHHAASo disappointing!”

“Hoping magkaka-wildcard mga best para pasok p din mga alam nating deserving pa ring pumasok s IdolPh like Chloe & Brei, Lecelle & Dior...”

Gayunpaman, todo-suporta rin ang maraming fans ng Top 20 hopefuls sa nalalapit na solo round sa susunod na linggo.

Ang Idol Philippines ay mapapanuod sa ilang Kapamilya channels, A2Z, TV5, IWant TV, at TFC tuwing Sabado at Linggo.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...