Tinaasan na ng Mandaluyong City Government ang suweldo ng lahat ng job order employees ng lokal na pamahalaan.
Mismong si Mandaluyong City Mayor Ben Abalos ang nag-anunsiyo ng naturang magandang balita nitong Lunes, sa isang pahayag.
Ayon kay Abalos, simula sa Setyembre 1, 2022, ang lahat ng city government employees na may job order status ay makakatanggap na ng monthly salary na P10,000.
Sinabi ng alkalde na kinausap niya ang City Council at ang city budget department para taasan ang sweldo ng job order employees matapos na malaman na tumatanggap lamang ang mga ito ng P265 kada araw.
Marikina LGU: Ulat na dinukot ang 4 na menor de edad sa lungsod, fake news!
"I was saddened when I heard that we have job order employees who are still receiving something like P265 a day. They're not just our street sweepers and traffic enforcers but also the employees reporting here at offices in the city hall," ani Abalos.
"They only receive such a daily wage and have to commute to work and come in uniform so I didn't want to force them to wear uniforms," dagdag pa ni Abalos.
"That's why I'm thankful to our City Council and budget department that we are able to come up with measures to raise the salaries of job order employees of the city," dagdag pa niya.
Kinilala rin ni Abalos na marami sa job order employees ng city government ay nagtatrabaho sa frontline services.
