Inakala umano ng maraming mga netizen na may sakit si Ultimate Heartthrob Piolo Pascual dahil sa latest post sa kaniyang opisyal na Facebook page kung saan tila makikitang nasa ospital siya.
"Shoutout po sa mga nanonood ng "FlowerOfEvil" anang caption. Makikitang tila nakahiga si Papa Pi sa isang hospital bed, at nakasuot siya ng pang-ospital.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Ang Flower of Evil ay Philippine adaptation mula sa hit Korean series na ganoon din ang pamagat, katambal ang dating Kapusong si Lovi Poe. Ang naturang litrato ay kuha mula sa isa sa mga eksena ng kaniyang karakter bilang si Jacob.
Sa comment section, sinabi ni Papa Pi na "Yung mga nag-get well soon halatang di updated."
Mababasang marami sa ilang mga netizen ang inakalang may karamdaman ito at nag-alala para sa aktor.
Upang patunayang okay siya, isa pang Facebook post ang ipinakita ng aktor kung saan kasama niya ang isang babaeng may edad na, at hawak-hawak niya ang kaliwang kamay nito. Batay sa caption, mukhang ito ang kaniyang ina.
"“A mother is more precious and valuable than all the riches in the world," ayon sa caption.
Mapapanood ang Flower of Evil tuwing Sabado at Linggo sa Kapamilya Channel at iba pang platforms nito.
