Ibinahagi ng Kapamilya actress na si Heaven Peralejo ang mga katangian ng isang lalaking muling magpapatibok ng kaniyang puso, sa naganap na presscon para sa kanilang "Maalala Mo Kaya" episode na pinagtambalan nila ni Viva artist Marco Gumabao, kung saan marami raw siyang napulot at natutuhan.
Aniya, kahit moderno na ang panahon ngayon pagdating sa lahat ng bagay, mas gusto pa rin niyang ipanatili ang pagiging tradisyonal. Naniniwala pa rin siya sa konsepto ng panliligaw.
"What I realized with this MMK, na may ganung klaseng pagmamahal talaga. I’m a hopeless romantic but I’ve been hurt a lot of times so medyo guarded na ang puso ko," ani Heaven.
"But watching this story and watching their love and seeing kahit pala ibigay sa’yo ni Lord lahat ng sakit and lahat ng problems sa buhay, pero if you’re with the right person, tutulungan ka niyang mahalin kung ano ang nangyayari sa buhay mo ngayon and hindi ka niya iiwan sa ere," dagdag pa niya.
Hello, Love, Again, kumita ng ₱85M sa unang araw!
Anyway, kaabang-abang na ang pagsasama nila sa isang proyekto ng guwapong aktor na si Ian Veneracion, na isa sa mga artistang lalaki na hinahambing sa alak; habang tumatagal, "lalong sumasarap".
Magiging sugar baby umano siya rito ni Ian, kaya ayon sa isang panayam sa beteranong aktor, hinahayaan niyang magkalapit sila at magkadikit ng mga katawan ni Heaven upang maging komportable sila sa isa't isa.
Ipinakita pa ni Heaven ang literal na "pagpapaikot" sa kaniya ni Ian, bilang paghahanda sa ilan nilang mga eksena.
Samantala, sa kaniyang Instagram post ay nag-iwan siya ng mensahe para sa lahat ng cast member ng "Nananahimik ang Gabi" lalo na sa kaniyang 'sugar daddy' na si Ian Veneracion. Tapos na aniya ang kanilang shooting.
"Bittersweet feeling because we just finished shooting for #NanahimikAngGabi! Despite the sleepless nights, working until dawn hours, bruises, literal blood, sweat and tears, this project has pushed me to my limits. All for the love of our craft and our agenda to awaken the masses. I am truly honored to be given this opportunity. I was able to discover a different side of me and realized that there is so much room for growth in this industry. Never did I expect that I’ll be able to have 1 on 1 scenes with veteran actors like @ianveneracion1 and @monconfiado," aniya.
"To @ianveneracion1 my sugar daddy, thank you for helping me throughout the entire shooting days. For making me laugh when I’m just so tired, for making me feel safe and comfortable with the scenes. And just by being "Luci'".
Ang pelikulang ito ay muling pagbabalik sa pagdidirehe ni Direk Lino Cayetano. Makakasama rin sa pelikulang ito ang award-winning actor na si Mon Confiado.
