Napatili at napanganga na lang si Carmina Villlaroel habang pinanunuod ang viral na “under the table scene” ng karakter ng asawang si Zoren Legaspi at Lianne Valentin sa pinag-uusapang seryeng “Apoy Sa Langit.”
Bagaman aminado ang Kapuso veteran actress na hindi niya kayang panourin ang maiinit na eksena ng kaniyang asawa sa serye, game na game na tinanggap ni Carmina ang challenge ng GMA.
Sa viral na “under the table” scene ni Zoren at Lianne kung saan pinaulanan ng halik ang aktor, agad na napatili at naloka si Carmina sa mainit na eksena.
“Isa ito sa mga rason kung ba’t ‘di ko siya pinapanuod sorry, kasi hindi ko talaga kaya. Ngayon pinapanuod niyo sa’kin wala akong choice kundi manuod,” ani Carmina.
Doc Willie tapos na sa 1st round ng chemo: 'Pasensya na wala na 'kong buhok...'
“Sinabi ko talaga kay Zoren, ‘Sorry talaga tatay, hindi ko talaga kayang panuorin kang…'” naputol na saad ni Carmina habang nagpapatuloy ang mainit na eksena.
“Oh my gosh, nakakaloka!”sunod na reaksyon ng aktres sa eksenang aminado naman siyang napanuod niya nang mag-viral ito online.
“Ay Diyos ko Lord, ano ba ‘to? My God!” paulit-ulit na sambit na lang ni Carmina.
Dagdag niya, “Hindi ako sanay kasi si Zoren conservative kaya nagulat ako bakit nagkaganito?”
“Oh my gosh. Jusme Lord. ‘Di ba puro halikan nang halikan? ’Di ko talaga kaya!” sunod-sunod na lang na sabi ni Carmina.
“No wonder talagang million views kasi si mistress nandon sa ilalim ng table,” dagdag niya.
Laking-pasasalamat naman ng mom of twins na malayo sa karakter ni Zoren ang ginagampanang unfaithful husband sa serye.
“Mabuti na lang in real life, itong si Zoren hindi marunong magsinungaling kasi kung ako ‘yung role ni Ate Maricel [Laxa], at nakita ko siyang gaganyan-ganyan, huli na siya,” kuwelang reaksyon ni Carmina sa eksena.
Ikinaaliw ng maraming netizens ang totoong reaksyon ng aktres na mababasa sa Instagram account ng GMA Network.
Mapapanuod ang “Apoy Sa Langit” kada alas-2:30 ng hapon mula Lunes hanggang Biyernes sa Kapuso channel.
