Ipinagdiriwang ni “Kapuso Primetime King” Dingdong Dantes ang ika-42 kaarawan ngayong Martes, Agosto 2.
Sa isang Instagram post, isang meaningful na mensahe ang ipinaabot ng asawang si “Kapuso Primetime Queen” Marian Rivera kay Dingdong.
“Happy Birthday to my favorite person 🥰 Thank you for being the most amazing husband and father. Blessed to share this life with you, 😍” mababasa sa Instagram post ni Marian.
Ilang mga kaibigan sa industriya naman ang nagpaabot din ng pagbati kay Dingdong kabilang na sina Carmina Villaroel, Bianca Gonzalez, Kyline Alcantara, Mavy Legaspi at maging si GMA Films President Annette Gozon-Valdes.
Tila sa pamosong Balesin island naman ipinagdiwang ng Kapuso Royalty ang kaarawan ni Dingdong batay sa isang hiwalay na Instagaram post ni Marian.
Looking fine pa rin si Marian habang iflinex ang abs nito sa isang larawan.
Taong 2014 nang ikasal ang showbiz couple. Kasalukuyan na silang may dalawang supling sa katauhan nina Zia at Sixto Dantes.
