Usap-usapan ngayon ang umano'y ginawang pagklaro ni Viva sexy actress AJ Raval sa kaniyang pangalan at paglayo sa ginawang isyu ng kapatid na si Vanessa Raval, patungkol sa isang "pangit na rapper" na umano'y nangharot sa kaniya sa chat, at nag-aya sa kaniyang magtungo sila nang solo sa isang resort.
Pinabulaanan niyang si Skusta Clee o Daryl Ruiz ang kaniyang inilalarawan, matapos nitong tawagin ang kaniyang atensyon sa social media.
Noong Hulyo 31, sa pamamagitan ng TikTok video ay pinangalanan na niya ang rapper na umano'y humaharot sa kaniya. Ang pangalan ng rapper ay "Miguelito pero kilala rin bilang "Haring Manggi". Hindi umano natatakot si Vanessa na makasuhan ni Miguelito matapos isiwalat ang pangalan nito.
Matapos nito, naglabas naman ng pahayag ang mismong aktres at kapatid niyang si AJ Raval, na dumidistansya sa kaniyang sarili at sa kaniyang pamilya, sa isyung sinasabi ni Vanessa. Dito ay inamin ni AJ na bagama't magkapatid sila, hindi naman sila close nito.
'Magkagalit sila?' Dennis, Ruru 'di raw nagpansinan sa set ng 'Green Bones'
"I am speaking on behalf of my family whose name is being dragged regarding the circulating issue involving Vanessa. Please stop dragging my name in this issue that I have nothing to do with. Especially my father na umaako ng pressure dahil sa name na dala ni Vanessa," saad ni AJ.
"We may share the 'Raval' name, pero hindi ko siya nakasamang lumaki, hindi rin kami close."
"We are very civil pag nagkikita at times, but there is nothing special about it, dahil mas close ako sa mga kapatid ko sa nakalakihan kong mother (Holiday), yung mga brother and sister ko sa kaniya ang nakasama ko lumaki and not with Vanessa."
"We are utterly affected about the circulating issue kahit wala kaming kinalaman. Again, we have nothing to do with it. Labas kaming lahat sa issues ni Vanessa."
"Ganoon din sa akin, Labas din po lahat ng family members sa bawat issue na dumadating sa akin."
Humingi na rin ng tawad si AJ para sa kapatid, sa mga rapper na nakaladkad sa isyu, kagaya nina Skusta Clee at Haring Manggi.
"Ako na po humihingi ng pasensya sa lahat ng naapektuhan at na-damage lalo na sa hiphop industry," paghingi ng dispensa ni AJ.
Dahil dito, biglang kambyo si Vanessa at sinabing "scripted" lamang ang lahat, sa pamamagitan ng kaniyang Facebook post.
"Scripted lahat! Pinlano gumawa ng kwento. Sumugal lang sa mga taong mahal ko sa buhay. Pero bandang huli talo. PATAWAD SA LAHAT."
"Hindi para sa kita ng FB kaya ko 'to ginawa. Ako na lang siguro nakakaalam no'n. Salamat."
Nitong Agosto 1, sa pamamagitan ng TikTok video ay lubusan nang inamin ni Vanessa na gawa-gawa lamang niya ang lahat, at humingi ng paumanhin sa mga taong nakaladkad ng kaniyang ginawang isyu.
Basahin: https://balita.net.ph/2022/08/02/vanessa-raval-umaming-gawa-gawa-lang-isyu-tungkol-sa-rapper-na-humaharot-sa-kaniya/">https://balita.net.ph/2022/08/02/vanessa-raval-umaming-gawa-gawa-lang-isyu-tungkol-sa-rapper-na-humaharot-sa-kaniya/
"Hindi ko na kayo muling bibiguin pa, nangangako ako sa inyo na lahat aayusin ko. Bigyan niyo lang ako ng chance na mahalin kayo at bumawi ako sa lahat ng kasalanan ko," pahayag niya.
Mababasa naman sa comment section ng kaniyang social media posts ang masasakit na salita mula sa mga netizen dahil sa kaniyang ginawa.
Sa kabilang banda, marami rin ang naawa kay Vanessa. Lumabas pa ang mga tsismis na marahil, kaya ginawa ito ni Vanessa ay upang pagtakpan ang isyu ng pagbubuntis ni AJ. Pero ang nakapagtataka raw, "itinatwa" siya ng mismong kapatid. Tila nabalewala lamang daw ang kaniyang pagsasakripisyo.
