Muli na namang nag-trending ang pangalan ng kontrobersyal na aktres na si Ella Cruz dahil sa tanong ni Kapamilya actor Joshua Garcia kay Binibining Pilipinas candidate Stacey Gabriel sa Q&A portion.
Isa kasi si Joshua sa mga umupong hurado para sa prestihiyosong beauty pageant na ginanap sa Smart Araneta Coliseum, Hulyo 31 ng gabi.
Tanong ni Joshua, ""Personally, how do you distinguish a historian from a marites?"
Bago sumagot si Stacey ay pinahupa muna niya ang audience na naghiyawan sa tanong ng Kapamilya actor.
Mark Andrew Yulo, naniniwalang babalik sa kanila ang anak na si Carlos
Sagot ni Stacey, "A historian is one who recognizes our painful past with factual evidence, looking back at our rich, vibrant history, and as well at the times that our humanity was trampled on and our heritage was almost erased. If we look at our past, we can surely move onward and upward and rebuild, rise from this pandemic, and dream for a safer, healthier, and happier Philippines."
Muling naghiyawan ang audience matapos ang kaniyang sagot.
Agad na nag-trending sa Twitter sina Ella Cruz at Joshua Garcia. Matatandaang naging kontrobersyal si Ella dahil sa kaniyang pahayag na "History is like a tsismis" matapos siyang tanungin ukol sa mga natutuhan niya sa pagganap bilang si Irene Marcos sa pelikulang "Maid in Malacañang", na ipalalabas na sa mga sinehan sa Agosto 3.
Basahin: https://balita.net.ph/2022/07/10/ella-cruz-nanindigan-totoo-naman-na-ang-kasaysayan-ay-tsismis/">https://balita.net.ph/2022/07/10/ella-cruz-nanindigan-totoo-naman-na-ang-kasaysayan-ay-tsismis/
Narito ang ilan sa tweets ng mga netizen:
"Ella Cruz right now after hearing the question of Joshua Garcia (kalakip ang litrato niyang nakatakip ang mukha habang umiiyak, sa panayam ni King of Talk Boy Abunda)."
"JOSHUA GARCIA JUST ENDED ELLA CRUZ WITH THAT QUESTION #BbPilipinas2022."
"Joshua Garcia throwing shades to Ella Cruz."
"When Ella Cruz met Stacey Daniella Gabriel."
Nahalungkat din ng mga netizen ang throwback photo nina Ella at Stacey sa isang eksena sa isang teleserye.
Sa huli, tinanghal na Binibining Pilipinas 2022 2nd runner-up si Stacey at naungusan ni Herlene Nicole "Hipon Girl" Budol.
Basahin: https://balita.net.ph/2022/08/01/herlene-hipon-girl-budol-naghakot-ng-special-awards-sa-binibining-pilipinas-2022/">https://balita.net.ph/2022/08/01/herlene-hipon-girl-budol-naghakot-ng-special-awards-sa-binibining-pilipinas-2022/
Samantala, wala pang tugon, reaksiyon, o pahayag si Ella Cruz tungkol dito.
