Ipinakita na ang teaser para sa karakter ni Janella Salvador bilang "Regina/Valentina" sa inaabangang action series ng ABS-CBN na "Mars Ravelo's Darna: The TV Series, na lilipad na sa Primetime Bida sa Agosto.
"Matapang na vlogger… mahusay na lawyer… ngunit sa likod ng mabuting pagkatao, ay may mapanuklaw na sikreto…" saad sa teaser na inilabas ng JRB Creative Production, isa sa mga distributor unit ng ABS-CBN.
"Kilalanin si Janella Salvador bilang Regina…"
98% ng buhok, nalagas na; Doc Willie may mensahe sa kabataan, mga magulang
Matatandaang positibo ang reaksiyon at feedback ng mga netizen simula nang i-reveal na si Janella ang gaganap na Valentina, ang iconic kontrabida sa buhay ni Darna, na gagampanan naman ni Jane De Leon.
Nang lumabas ang teaser at trailer nito, nag-trending ang pangalan ni Janella dahil sa misteryoso nitong dating. Mapanuklaw daw talaga ang karisma nito kaya ngayon pa lamang ay kaabang-abang na.
Lumutang pa nga ang mga isyung baka lamunin daw nang buhay ni Janella si Jane pagdating sa aktingan, at baka ang mas kakiligan ay sina Janella at Joshua Garcia. Baka raw mas abangan pa si Valentina kaysa kay Darna.
Ngayon pa lamang daw ay mayroon nang "Valentina apologists."
Abangers na ang lahat kung paano ang isang mabait na Regina ay magiging si Valentina, na siyang maghahasik ng kasamaan sa mundo, at pipigilan ni… Darna!!!
