Muli na namang naging usap-usapan ng mga netizen ang umano'y makahulugang dasal ng komedyante at isa sa mga host ng "Tropang LOL" (Lunch Out Loud) na si Bayani Agbayani sa pagtatapos ng kanilang programa noong Lunes, Hulyo 25.
Nakaugalian na ng mga host na isinasara nila ang programa sa pamamagitan ng panalangin.
Anang dasal ni Bayani, "Lord, maraming salamat sa humility na ibinibigay Ninyo sa amin… Huwag Ninyo po kaming hayaang maging hambog o mayabang. Lagi po kaming magpapakumbaba at tutulong sa aming kapwa dito po sa industriya at sa labas ng industriya."
Basahin: https://balita.net.ph/2022/07/27/dasal-ni-bayani-parinig-daw-ulit-wag-nyo-po-kaming-hayaang-maging-hambog-o-mayabang/">https://balita.net.ph/2022/07/27/dasal-ni-bayani-parinig-daw-ulit-wag-nyo-po-kaming-hayaang-maging-hambog-o-mayabang/
Pagpapakasal dahil lang sa anak, 'di bet ni Janella Salvador
Ilang araw nang usap-usapan ang umano'y pagpaparinig niya sa "It's Showtime" dahil sa pag-oovertime nito sa ere.
Bumanat naman si Vice Ganda ukol sa isang tao na "sumasawsaw sa isyu kahit hindi naman kasali."
Dahil dito, nagbigay naman ng reaksiyon ang showbiz columnist na si Cristy Fermin at sinabihang mayabang ang Unkabogable Star.
"Naabot na ni Vice Ganda ang kaniyang pangarap. Sobra pa sa kaniyang pangarap ang ibinigay sa kaniya ng kaniyang kapalaran. Ang alam ko, sa mga matatagumpay na tao parang kawayan, habang lumalago ang pangarap at pamumuhay, bumababa, yumuyukod. Pero bakit, nakamit na lahat, napakayabang pa rin?”
Basahin: https://balita.net.ph/2022/07/26/cristy-dinepensahan-si-bayani-vs-vice-nakamit-na-ang-lahat-napakayabang-pa-rin/">https://balita.net.ph/2022/07/26/cristy-dinepensahan-si-bayani-vs-vice-nakamit-na-ang-lahat-napakayabang-pa-rin/
Nauna nang nagbigay rin ng simpatya ang talent manager na si Ogie Diaz sa usapin kung saan isang teorya ang nabuo niya na at aniya'y maaaring nag-ugat lang sa ‘di pagkakaunawaan ng dalawang panig ang isyu.
Samantala, nitong episode ng It's Showtime, Hulyo 27, ay may hugot naman si Meme tungkol sa dasal.
Anang Unkabogable Star, "Hindi masama na mangarap, hindi masarap ang mag-wish. Isabuhay natin ‘yan. ‘Yung araw-araw meron tayong binubuo na plano sa buhay. Kung mangangarap na rin lang tayo, lakihan na natin. Lalo na kung magdadasal tayo kay Lord."
"Basta dapat sincere… i-manifest lang ang mga pinakahinihiling ng inyong puso at baka naman ngayong araw na ito matupad ang mga ipinagdarasal n’yo basta dapat sincere," dagdag pa ng komedyante.
Kaya tanong ng mga netizen na abangers sa parinigan ng dalawang noontime show na dating magkaribal, ngayon ay magka-back-to-back na, ito na ba ang sagot ni Meme sa sinasabing pagpaparinig ni Bayani sa kaniyang dasal?
Samantala, wala pang tugon, paglilinaw, o pahayag sina Bayani o Vice Ganda tungkol sa isyung ito.
