Maraming umuudyok sa kapatid ni AJ Raval na si Vanessa Raval na kung hindi si Skusta Clee o Daryl Ruiz ang kaniyang pinariringgang rapper na umano'y "lumalandi" sa kaniya sa chat kahit na alam naman nitong may boyfriend na siya, sana raw ay mag-name drop na siya at pangalan na ito upang matapos na ang isyu.
Ngunit sa latest Facebook post ni Vanessa nitong Biyernes, Hulyo 29, tila wala siyang balak na mag-name drop. Ginagamit lamang daw niya ang kaniyang utak at ayaw na niya umanong mangyari o maranasan ang reklamong inabot niya dahil sa "pagtira" niya sa isang babae sa social media upang ipagtanggol ang mga "kapatid na BBM" o mahihinuhang tagasuporta ni Pangulong Ferdinand "Bongbong" Marcos, Jr.
Pagpapakasal dahil lang sa anak, 'di bet ni Janella Salvador
"Sabi nung isa, pag nag-name drop ka eh di makasuhan kung makasuhan," ani Vanessa sa kaniyang FB post.
"Hindi ganon kadali magka-background, sisirain niyan buong buhay mo. Ang hindi paggamit ng utak sa mga ganitong uri ng pangyayari ‘BARA BARA’ ay para lamang sa mga taong walang pangarap sa buhay."
"Wala kasi kayo sa sitwasyon ko. Maging matalino at alam kong alam n'yo na once na public mo ang isang tao ng walang permiso at may halong masamang komento dito, puwede tayo makasuhan o makulong."
Kaya pala ayaw mag-name drop ni Vanessa ay dahil naranasan na umano niyang makasuhan ng isang "tinira" niya sa social media sa kasagsagan ng halalan. Ang siste, wala naman daw tumulong o nagtanggol sa kaniya.
"Kung naaalala n'yo may isang babae na tinira ko sa social media, after ko ipagtanggol ang mga kapatid nating BBM ay nanahimik ako. Marami akong kinaharap. Nagkakaso ako dahil sa putragis na name drop na 'yan. May tumulong ba sa akin? Tinulungan n'yo ba ako? Pag ba nakulong ako ngayon matutulungan n'yo ako? Hindi ko alam bakit karamihan sa mga tao ngayon sobrang kitid."
"Pag may babae na kumabit sobrang galit n'yo, ngayon naman ako itong ayaw sa mga cheater, at maging kabit galit pa rin kayo."
"Ginamit ko utak ko, nag-described ako ng tao na alam kong malalaman n'yo rin kung sino without dropping name. Maaaring marami pa rin sa inyo ang hindi pa rin malaman kung sino siya, pero kayo na gumawa ng paraan para malaman n'yo. Hindi naman kailangan maging matalino para usisiin kung sino ba talaga tinutukoy ko. SALAMAT."
"HINDI PO ITO SI SKUSTA CLEE," aniya.
Basahin: https://balita.net.ph/2022/07/30/vanessa-raval-muling-pinagdiinan-hindi-si-skusta-clee-ang-rapper-na-humaharot-sa-kaniya/">https://balita.net.ph/2022/07/30/vanessa-raval-muling-pinagdiinan-hindi-si-skusta-clee-ang-rapper-na-humaharot-sa-kaniya/
May mga lumalabas namang espekulasyon na ang tinutukoy niya ay isang fliptop emcee subalit wala pang kumpirmasyon mula sa kaniya.
Samantala, nakialam na rin dito ang isa pa niyang kapatid na si Ace Raval.
"Kinausap ko na po si Vanessa Raval na tumahimik na lang, hindi na po siya magsasalita sa mga itatanong n'yo, sa mga influencer po na hindi natutuwa sa utol ko pls. tama na rin po, WALA N APONG MAGSASALITA ABOUT DITO SALAMAT PO!"
Nagbura na umano si Vanessa ng mga nauna niyang posts dahil nagbura na rin ang kaniyang pinariringgan.
"Wag na kayo magtanong. Nag-delete ako kasi nagdelete na siya okay? Kung ano ginawa nila sa akin 'yon din ang gagawin ko sa kanila. Thanks."
