Binalaan ng isang environmental group ang publiko na huwag bumili ng mga nakalalasong lipstick na kalat na sa merkado sa bansa.
Sa pahayag ng grupongEcoWaste Coalition, ang tinutukoy na lipstick ay laganap na sa merkado at nabibiliito mula₱10 hanggang₱50.
"Nakakabahala ang napakataas ng lead o tingga, ginagamit 'yan sa batteries," sabi ni Dr. Geminn Louis Apostol, lead environmental health specialist ng Ateneo School of Medicine and Public Health sa panayam sa telebisyon.
Paliwanag ng grupo,sinuri nila ang 296 lipstick na ibinebenta sa merkado at natuklasang 95 ay may 42.6 porsyentong laman na lead habang 25 porsyento naman ang nakitang may arsenic at cadmium.
Ilocos Sur, niyanig ng magnitude 4.3 na lindol
Kapag naipon sa katawan, maaari umano itong magdulot ng chronic lead poisoning kung saan puwedeng makaranas ng pananakit ng tiyan.
Nakapagdudulot din umano ito ng problema sa dugo at pamamaga ng utak.
Dahil dito, umapela si EcoWaste Coalition national coordinator Aileen Lucero sa Bureau of Customs (BOC) nahigpitan ang customs control para hindi makapasok ng bansa ang mga nakakalasong cosmetic products.
Dapat din aniyang alamin ng mga mamimili kung may certification mula sa Food and Drug Administration ang mga produkto.
