Kagaya ng unang mga pahayag ng celebrity mom, co-parenting ang set-up ni Pokwang at dating asawang si Lee O’Brian na nagbalik na sa Amerika sa piling ng kaniyang pamilya.
Matapos ang dalawang taon, lumipad sa Amerika ang panganay ni Pokwang na si Mae at anak nila ni Lee na si Malia para muling makasama ang pamilya ng ex-husband.
“Finally after two years its nana, grand pa and tita mimi time ❤️😘 Enjoy lang Ate @maesubong and @malia_obrian 😘 See you soon mga anak,” mababasa sa Instagram post ni Pokwang.
Sa mga larawan at bidyo, makikitang nakikipag-bonding si Lee, at ang kaniyang pamilya sa dalawang anak ni Pokwang.
Jude Bacalso, nanindigang valid complaint pagtawag ng 'Sir' sa kaniya ng waiter
Matatandaan na nito lang Hulyo, nabulgar sa publiko ang matagal na pa lang hiwalayan ni Pokwang at Lee O’Brian, sa isang YouTube vlog ni Ogie Diaz.
Sa detalye pa ng talent manager, naging masalimuot na umano ang takbo ng relasyon ng mag-asawa dahilan para mauwi sila sa pasyang hiwalayan.
“Ang importante ay hindi kami magkagalit nung naghiwalay kami ni Papang,” sabi na lang umano ni Mamang Pokie kay Ogie.
Bagaman, nakahiwalay na si Lee sa kaniyang mag-ina, co-parenting ang setup ng dalawa para sa kanilang anak na si Malia.
Taong 2015 nang ikasal ang celebrity mom kay Lee.
Samantala, base sa serye ng Instagram stories ng komedyana, nasa Amerika si Pokwang para sa isang show nila ni K Brosas sa Texas.
