Napag-usapan sa isa sa mga latest episode ng "Cristy Ferminute" nina Cristy Fermin at Romel Chika ang umano'y "pagmamaldita" raw ng misis ni dating senador at Pambansang Kamao na si Manny Pacquiao na si Jinkee Pacquiao habang nasa Los Angeles, California, USA upang bisitahin ang anak na si Jimuel Pacquiao.
Bungad ni Romel Chika kay Cristy, "Diyos ko ang Jinkee Pacquiao daw, nanay, nagmaldita raw sa abroad, sa ilang Pinoy sa abroad. Ano ba itong pagmamaldita niyang ginawa?"
Sumagot naman si Cristy batay umano sa sinabi ng kaniyang source, "Hindi, kasi ganito 'yan, nasa Los Angeles siya ngayon. Dahil yung anak niyang si Jimuel, doon na naninirahan, doon nangangarap maging tatay niya, fumo-focus sa boxing."
Paikot-ikot daw roon si Jinkee at hindi maiiwasang hindi makahalubilo ang mga Pilipinong naninirahan o nagtatrabaho roon.
Pagpapakasal dahil lang sa anak, 'di bet ni Janella Salvador
At dito na nga inilahad ng showbiz columnist ang ilang mga sey ng mga Pinoy roon hinggil kay Jinkee.
"Ang punto diyan ng mga Pinoy, yun bang, dahil celebrity ka eh, dapat marunong kang makisama at makitungo. Alam mo, Romel, ito, sa akin 'to, pananaw ko 'to. Ang kagandahan ni Jinkee Pacquiao, maano, paano ko bang sasabihin? Hindi malambot ang kagandahan. Napakatigas. Kung wala nga siyang pampaganda? Kung hindi siya nagpapasalamat sa doktor, mukhang buruka 'tong babaeng 'to eh," ani Cristy.
"Eh matigas na nga ang ganda mo, sisimangot-simangot ka pa? Iirap-irapan mo pa yung mga tao."
Naihalintulad pa ng showbiz columnist ang byuti ni Jinkee sa dating Kapuso actress na si Bianca King, na aniya ay maganda subalit matigas ang mukha, o ang nais sigurong sabihin ni Cristy, ay masyadong fierce ang dating.
Sana raw matuto si Jinkee na ngumiti-ngiti sa mga Pinoy dahil isa siyang celebrity. Napuri pa ni Cristy ang Kapamilya actress na si Angel Locsin.
Samantala, wala pang tugon, reaksiyon, o pahayag si Jinkee tungkol dito.
