Naantig ang showbiz commentator na si Manay Lolit Solis sa pagpapadala ni “Darna” star Jane de Leon ng ilang regalo sa kaniya habang nagpapagaling sa ospital.
Sa isang Instagram update, Miyerkules, personal na ipinaabot ni Manay Lolit ang pasasalamat sa young actress.
“Pinadalhan niya ako ng something sa hospital, kahit hindi pa kami personal na magkakilala. So touching para sa akin dahil nag-effort siya, at talagang nasa utak ko iyon gesture niya na ginawa,” sey ni Manay.
“Nagagandahan ako kay Jane de Leon ng mapanuod ko sa TV, malakas ang screen presence niya, maganda ang boses niya, at palagay ko magiging malaki siyang star. Big project ang Darna na pag binigay mo sa isang baguhan will really stir interest,” dagdag ng talent manager.
Jude Bacalso, nanindigang valid complaint pagtawag ng 'Sir' sa kaniya ng waiter
Bibida si Jane sa inaabangan nang pagbabalik ng sikat na Pinay superhero na si Darna sa Agosto 15.
Sigurado rin si Manay na magiging isang “important star” si Jane sa bagong henerasyon ng showbiz industry.
“At itong ugali niya na nagri reach out isang malaking plus factor sa isang artista na tulad niya.
Sa mga naunang updates, bukas na ibinahagi ng 75-anyos na celebrity host ang kaniyang medikal na kondisyon, bagaman hindi detalyado.
“Saka siyempre ngayon ko feel na love ako ng mga angel ko sa Heaven dahil heto alive and maldita pa rin ako, hah hah. Pero no joke, pray for my recovery ha, ang hirap ng may sakit. Gusto ko Superwoman ako, at the age of 75 ha, grabe noh, spoiled talaga.Amen.”
Si Manay Lolit ay ilang dekada nang kilalang celebrity personality sa Philippine showbiz. Siya ay nagsilbing host sa ilang mga kilalang programa sa telebisyon.
