Pinag-aaralan na ngayon ng Department of Education (DepEd) ang pagbibigay ng dagdag na benepisyo para sa mga guro sa halip na itaas ang kanilang suweldo.
Sa isang pulong balitaan nitong Miyerkules, binigyang-diin ni DepEd spokesperson Michael Poa na inilatag na nila kay Pangulong Ferdinand Marcos, Jr. ang plan, gayunman, inatasan nito ang ahensya na himayin nang husto ang usapin.
"We will be looking into non-basic wage benefits that we can give them para naman madagdagan 'yong take-home nila," sabi ni Poa.
"If we increase the basic wage of the teachers, if we make it too high, it will really affect the private sector kasi either lilipat 'yong teachers in the private sector to the government, or baka hindi kayanin ng private sector tapatan, baka magsara 'yong private sector," anito.
Ilocos Sur, niyanig ng magnitude 4.3 na lindol
Pagdidiin nito, taun-taon aniyang tumataasang suweldo ng mga guro simula 2019 alinsunod na rin saSalary Standardization Act na ang final tranche nito ay ipatutupad sa 2023.
Hindi pa rin aniya nila natatalakay ang mungkahi ng iba't ibang grupong maitaassa 15 mula sa dating 11 ang Salary Grade ng entry-level ng mga guro.
Binanggit nito ang nakaraang executive order na lumilikha ng bagong teaching positions para na rin sa "professional growth at career advancements" ng mga ito.
"Ang plano natin, we need to upskill 'yong ating teachers. So dahil doon, ang gagawin natin is mag-focus muna sila sa teaching, tatanggalin natin 'yong admin tasks," sabi pa nito.
