Matapos maintriga ng ilang netizens kung sino sa kanilang dalawa ni Comedy Queen Ai-Ai delas Alas ang mas magaling sa larangan ng komedya, diretsang nagbigay ng saloobin si Mamang Pokwang.
“Naku kayo mga Marites mga chikadora kayo ha. Iniintriga niyo kami ni Ms. Ai-Ai,” agad na reaksyon ni Pokwang sa isyu, sa isang panayam ng GMA.
“Magaling si Ms. Ai-Ai kaya nga siya Comedy Queen ‘di ba? Alam niyo na ‘yan. Meron kaming kaniya-kaniyang katangian [na] nagugustuhan ng aming mga followers na ikinatutuwa naman namin,” sey ni Mamang.
Dagdag niya pareho silang may angking kakayahan ng kapwa Kapuso comedian.
Doc Willie tapos na sa 1st round ng chemo: 'Pasensya na wala na 'kong buhok...'
“Magiging Ai-Ai ba siya kung hindi siya magaling? Magiging Pokwang ba ako kung wala rin akong alam. 'Di ba po ganurn yon?”
Noong Abril, unang nakumpara si Pokwang at Ai-Ai sa isang pahayag ng actor-singer na si Audie Gemora.
Aniya, mas nakakatawa at mas matalino raw ang Kapuso comedian na si Pokwang kaysa kay Ai-Ai, bagay na ipinagkibit-balikat lang ng Comedy Queen.
