Binati ng Kapamilya singer na si Angeline Quinto si “Popstar Royalty” Sarah Geronimo sa ika-34 kaarawan nito ngayong Lunes, Hulyo 25.
Sa isang Instagram update, ilang throwback pictures ang ibinahagi ng Angge ngayong kaarawan ng Kapamilya star.
“Salamat sa laging pangangamusta lalo sa anak ko kay Sylvio. Hindi man tayo laging nagkikita, alam kong masaya ka para sa akin at sa pamilya ko,” mababasa sa post ng singer.
Pinasalamatan din ni Angge si Sarah sa pagpayag nitong maging kumare niya, at maging ninang ni kaniyang anak.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Salamat din sa pagpayag maging kumare ko at ninang ng BabyLove ko,” ani Angeline.
“Thank you SG at mahal kita!”
Ipinanganak ni Angeline si Baby Sylvio noong nakaraang Abril.
Noong Hunyo, star-studded ang naging binyag ni Baby Sylvio kasama ng ilang kaibigang celebrities ni Ange.
Samantala, naging pasabog naman ang pagbabalik ni Sarah sa Asap Natin ‘To matapos ang halos dalawang taon.
