Aktibong-aktibo sa pagpo-post sa kaniyang Instagram ang showbiz columnist-talent manager na si Manay Lolit Solis kahit isinugod siya sa ospital noong Linggo, Hulyo 17, matapos mapansin ng kaniyang kasama sa bahay na nahihirapan siyang magsalita.
Kahit nasa ospital ay bumanat ang showbiz columnist na ang nangyari daw sa kaniya ay baka "sumpa ni Bea", biro naman sa kaniya ni Leo Espinosa.
Basahin: https://balita.net.ph/2022/07/16/lakas-kulam-niya-sakin-manay-lolit-sinabing-si-bea-alonzo-lang-ang-sasaya-pag-nategi-siya/">https://balita.net.ph/2022/07/16/lakas-kulam-niya-sakin-manay-lolit-sinabing-si-bea-alonzo-lang-ang-sasaya-pag-nategi-siya/
"Tinablan na ako ng sumpa ni Bea Alonso, Salve, hah hah hah joke joke ni Leo Espinosa. Talagang kailangan ko ng ma-confine para sa monitoring ng aking health. Pero dahil sa love ninyo nila Gorgy at Jerry, heto at puwede na naman ako magmaldita. Salamat kay direk Lino Cayetano at assistant niyang si Gen, sa Japanese melons dahil naging saver iyon sa aking taste buds habang nasa confinement."
Chloe punumpuno ang puso dahil kay Carlos, inurirat kung kailan papakasal
"Talagang buti na lang at mababa sugar ko kaya puwede ako eat ng fruits, hah hah, thanks Direk Lino Cayetano. Sorry Bea, mas malakas ang charms ni Leo, Gorgy at Salve, kaya heto, back to normal uli ako sa sweetness ko sa iyo, kahit itanong mo kay dra. Evangelista , type ka niya, dahil sweet ka daw, charot."
Matatandaang halos araw-araw naging laman ng pang-ookray sa Instagram posts ni Manay Lolit ang Kapuso star na si Bea Alonzo, simula nang maganap umano ang pagpigil sa kaniyang makadalo ng kampo nito sa isang media conference para sa product endorsement nito.
Basahin: https://balita.net.ph/2022/04/05/manay-lolit-bakit-nga-ba-galit-kay-bea-alonzo-ogie-diaz-may-isiniwalat/">https://balita.net.ph/2022/04/05/manay-lolit-bakit-nga-ba-galit-kay-bea-alonzo-ogie-diaz-may-isiniwalat/
Kahit na-confine sa ospital ay patuloy na nagbibigay ng kaniyang update si Manay Lolit at patuloy na pinasalamatan ang kaniyang support group na siyang naging kaagapay niya sa kaniyang pinagdaraanan.
Naging espesipiko rin si Manay Lolit sa pagbanggit at pagpapasalamat sa celebrities na kaagad na nagpaabot ng pangungumusta at tulong sa kaniya, mula sa pagkain hanggang sa pinansiyal na tulong. Ilan dito ay sina Pambansang Bae Alden Richards, mag-asawang Senador Bong Revilla at Congresswoman ng 2nd District of Cavite Lani Mercado, direktor na si Lino Cayetano, Gretchen Barretto, mag-asawang Vic Sotto, Pauleen Luna, at ang kanilang anak na si Baby Tali, Congressman Toby Tiangco, Rhea Tan ng Beautederm, Cris Roque, at mga Villar.
Ngayong Hulyo 24 ay ibinahagi ni Solis ang isang art card kung saan mababasa ang "There are friends, there is family, and then there are friends that become family."
"We are so lucky Salve and Gorgy. Can you imagine our circle of friends na talagang on call pag kailangan natin ang tulong nila. Iyon talagang solid ang pagmamahal sa atin kaya naman we feel confident na we can get through all the hardship at salamat sa kanila dahil sa panahon ngayon talagang kailangan natin ang matatag na samahan. Bongga din Salve at Gorgy na talagang in times na kailangan natin ang kasama, nandiyan lang sila. Happy together talaga," caption ni Manay Lolit.
Ayon sa panayam ng Philippine Entertainment Portal o PEP sa kaniya nitong Sabado, Hulyo 23, lalabas na si Manay Lolit mula sa ospital ngayong Linggo, Hulyo 24.
