Ibinida ni Daisy Lopez a.k.a. "Madam Inutz" ang pagpapagawa niya sa kaniyang ilong, upang mas matawag siyang "Hot Mamaswang".
Ibinahagi ni Madam Inutz sa kaniyang Facebook post ngayong Sabado, Hulyo 23, ang litrato niya kung saan kapansin-pansin ang kaniyang "Salamat po, Dok" na ilong.
"OWWWW….JIIIIIEVA? KUNG KELAN TUMATANDA SI MADAM INUTZ N'YO AT NAIINLOVE!! NGAYON LANG DIN NATUTO MAGMAHAL NG SARILI AT NATUTO MAGPAGANDA!! PARA NAMAN MARANASAN KO YUNG MATAWAG AKONG HOT MAMASWANG," saad ni Madam Inutz sa kaniyang caption.
JC De Vera, na-offend sa 'biro' ni Alex Gonzaga
Pinasalamatan ni Madam Inutz ang "Skin and Beyond Aesthetics and Wellness Centre" nina Doc John Paul Pareja at Angie Pareja kung saan siya nagpagawa ng nose lift.
Umani naman ito ng iba't ibang reaksiyon at komento mula sa mga netizen. May mga natuwa at sinuportahan ang kaniyang nose job ngunit may ilan namang nagsabing hindi na kailangan dahil maganda na siya sa orihinal na hitsura ng ilong.
Si Madam Inutz ay mina-manage ni Wilbert Tolentino, na siyang manager din ni Binibining Pilipinas candidate Herlene "Hipon Girl" Budol.
