Masayang adventure ang ibinahagi ni KC Concepcion sa kaniyang Europe trip kung saan sinubukan rin ng aktres ang nakakalula at sikat na paragliding activity sa Switzerland.
Sa isang Instagram update, Biyernes, ipinakita ni KC ang ilan sa mga tagpo ng kaniyang adventure sa European country na sikat sa kanilang outdoor activities.
Hindi pinalagpas ng aktres ang paragliding na all-smile pa siyang nakunan ng video habang nasa himpapawid.
“So much love for Switzerland,” mababasa sa IG caption ni KC.
Chloe San Jose, mas pinipiling maging 'authentic' na tao kaysa people-pleaser
Isang nakakaaliw na komento naman ang iniwan ng amang si Gabby sa update ng anak.
“No wonder you are not answering your phone. Baka mahulog (yung phone). Call me, i have food news...este...good news for you!😂🙌❤️” kwelang sabi ni Gabby.
Napansin naman ng ilan sa kaniyang followers ang pagpayat ng aktres.
“Pumapayat si ate!” komento ng isang fan.
“This looks like so much fun!!😍❤️” saad ng isa pang netizen.
“Hope you find your Captain Ri in Switzerland,” hiling naman ng isang follower hango sa sikat na Korean drama na “Crash Landing On You.”
Kamakailan, naging Instagram official na ang pagkakaayos ni KC at ng inang si Megastar Sharon Cuneta na matagal na naging usap-usapan mula pa noong nakaraang taon.
