Sa ">“Showbiz Updates” ni Ogie Diaz at Mama Loi sa YouTube, napag-usapan ang umano’y napipintong pagsasama ni Liza Soberano at James Reid sa isang proyekto, bagay na agad binara ng dating talent manager ng aktres.
Hindi naniniwala ang dating talent manager ni Liza sa mga bali-balitang magtatambal umano sa isang proyekto ang dating alaga at ang aktor at Careless Music executive na si James.
“Hangga’t hindi sinisimulan, hangga’t hindi natatapos. Kung pelikula man ‘yan o teleserye, hindi ako maniniwala,” sey ni Ogie.
Naniniwala rin si Ogie na ang goal ni Liza sa ngayon ay ang Hollywood at ang Korean entertainment industry.
Carlos Yulo, wala pa raw naibibigay na tulong sa pamilya kahit palihim na abot?
“Sobrang gusto niya talaga na magkaroon ng isang Korean movie,” dagdag ni Ogie.
Batay na rin sa mga nakarating sa talent manager, marami na umanong natatanggap na inquiries ang bagong talent management ng aktres para sa ilang oportunidad sa Hollywood.
Kamakailan, matandaang naispatan si James sa South Korea kung saan na-meet niya si GOT7 Bambam at singer na si Chancellor.
Ilang larawan din ang naging usap-usapan ng netizens na umaasang may future music collaboration ang Careless Music sa Korea matapos bisitahin ni James at Liza ang ilang executives ng Starship Entertainment, isang Korean music label.
Habang nais muna na antayin ni Ogie ang kumpirmasyon sa kumalat umanong napipintong tambalan ni James at Liza, na sa tingin din niya’y walang katotohanan, ibibigay na lang aniya ang desisyon sa real-life couple na si Liza at Enrique Gil.
“Sila [Enrique at Liza] may desisyon nun. Pero syempre tiyak na magrere-act ang Lizquen fans,” sey ni Ogie.
Samantala, naghahanda na rin daw sa ngayon si Enrique para sa kaniyang solo career.
“Tulad ng ating binalita rito, magso-solo na si Ken [Enrique] at excited na siya. Kaya magpapaganda rin ng katawan si Ken, habang siya naman ay excited din for Liza, sa pangarap nito na Hollywood at Korean [entertainment],” pagdedetalye ni Ogie.
Matatandaang noong Hunyo, nang opisyal na maging artist ng Careless Music ni James si Liza.
