Sumagot ang direktor ng VinCentiments at pelikulang "Maid in Malacañang" na si Darryl Yap sa pasaring umano ng singer-actress na si Mitch Valdez hinggil sa isang "pedophile" na may pelikula.
Sa pamamagitan ng opisyal na Facebook page ng "VinCentiments" ay ibinato ni Yap ang kaniyang kontra pahayag laban sa mang-aawit. Ibinahagi nito sa Facebook post ang screengrab ng mga Facebook posts umano ng beteranang singer-actress.
"I lived thru Martial law where the mere sight of soldiers or policemen would make my knees quake because people disappeared. I could not express my opinion in shows because people disappeared. I then joined the people who had had enough and faced tanks," mababasa sa Facebook post umano ng singer-actress.
"We prayed for a quick death if they ran us over."
Maris, namundok matapos maeskandalo kay Anthony
"I saw the cowardly family escape trailing jewels and cash in adult diaper boxers."
"And now have a voice because of the thousands who were tortured and killed for my voice"
"No movie made by a pedophile can change this."
Wala mang pinangalanang, hula ng mga netizen ay ang pamilya Marcos ang tinutukoy rito at ang "pedophile" naman daw ay si Yap, matapos masangkot sa isyung kaugnay nito noon.
Banat naman ni Yap, "Bago pa kumanta si Mitch Valdez ng “wala naman akong pinangalanan” o “bakit siya tinamaan". Hayaan mong bumirit ako sa lyrics na PANGALANAN MO NGANG AKO ITO," aniya.
"Ang hirap sa mga taong sugatan, akala nila may karapatan silang manakit."
"Ms. Mitch Valdez,"
"May karapatan ka sa sarili mong opinyon at kamiserablehan, pero tigilan mo ko sa pagtatapang-tapangan mo at gagawin mong bala ang gawa-gawang paninira ng mga gaya mong ipinaglaban ang demokrasya pero di handa sa tunay na kahulugan nito."
"Tutal humarap ka kamo sa tangke, iharap mo sa akin ang sarili mo at ang mga pinagkuhanan mo ng kagaguhang 'pedophile' at 'admitted pedophile'."
"Ang gagaling n'yong umastang tagapangtanggol kayo ng inaagrabyado pero kayo ang numero unong masasangsang ang ugali."
"Gagawa-gawa kayo ng paninira tapos palalabasin n'yong inamin ko? Ano kayo may TB? Mas malala pa sa TB ang sakit na 'yan."
Sa dulo ng FB post ay mababasa ang pangalang "Darryl Yap".
(Mula sa Facebook page ng VinCentiments)
Samantala, wala pang tugon, reaksiyon, o pahayag si Mitch Valdez kaugnay nito.
