Nag-iwan ng mensahe si dating Bise Presidente Leni Robredo para sa 28th birthday ng kaniyang pangalawang anak na si Tricia.
Sa isang Facebook post nitong Lunes, Hulyo 18, nag-upload si Robredo ng ilang mga larawan ni Tricia bilang bahagi ng kaniyang birthday greeting.
"Celebrating Tricia’s 28th birthday today. 28th!!! Hard to imagine her as the sickly and colicky baby that she was before," sabi ng dating bise presidente.
"She has definitely exceeded all our expectations and continues to make us proud," dagdag pa niya.
Archdiocese of Manila, hindi mag-eendorso ng kandidato sa eleksyon
Sa Instagram story naman, ibinahagi ni Robredo ang larawan ni Tricia at asawa niyang si Jesse Robredo.
"At that exact spot where this pic was taken now stands a dormitory where Tricia will live starting August this year," aniya.
"This was taken when she was 3. She's going back to live there after 25 years."
Matatandaang sa darating na Agosto, nakatakdang lumipad sa Amerika si Tricia para i-pursue ang programang Master of Medical Sciences in Global Health Delivery sa prestihiyusong Harvard Medical School.
Kaugnay na Balita: https://balita.net.ph/2022/06/17/tricia-robredo-natanggap-sa-prestihiyusong-harvard-medical-school/" target="_blank">https://balita.net.ph/2022/06/17/tricia-robredo-natanggap-sa-prestihiyusong-harvard-medical-school/
Samantala, naghanda ng birthday surprise ang mga kaibigan at kaanak ni Tricia para sa kanya. Sama-sama silang nag-workout ilang oras bago ang birthday nito.
Sa mga ibinahaging larawan ni Irene Gail Robredo-Vitas, pinsan ni Tricia, sa kaniyang Instagram stories nitong Linggo, isang simple at unique na birthday surprise ang inihanda nila kasama ang mga kaibigan ni Tricia.Basahin:https://balita.net.ph/2022/07/18/tricia-robredo-nasurpresa-sa-kakaibang-workout-birthday-party/
