Ibinahagi ng dating Kapamilya child star at ngayon ay 18 anyos na teen actress na si Xyriel Manabat kung paano niya sinagot ang isang basher na nagbigay ng walang prenong komento sa kaniya.

Sa kaniyang Instagram story, ibinahagi ni Xyriel ang kaniyang "pagpatol" sa basher na sinabihang siyang "Malandi na".

"Gaano ka kapatola?" saad na caption ni Xyriel. Sa ibaba ay makikita naman ang conversation thread nila ng basher.

"Malandi na," sabi ng basher.

Bretman Rock, ibinida ang Filipina Barbie Doll na likha ng Fil-Am artist

Bretman Rock, ibinida ang Filipina Barbie Doll na likha ng Fil-Am artist

Cool na tugon ni Xyriel, "Ay dati pa po."

Screengrab mula sa IG story ni Xyriel Manabat

Naging markado ang pagganap ni Xyriel sa TV shows ng ABS-CBN gaya ng "Agua Bendita," "Momay," "Ikaw Lamang" at "Wildflower" (bilang batang Lily Cruz/Ivy Aguas na ginampanan naman ni Maja Salvador).

Ngunit ang pinakatumatak na teleserye ni Xyriel ay ang "100 Days in Heaven" kasama sina Jodi Sta. Maria at Coney Reyes.

Marami nga ang nagulat sa transpormasyon ni Xyriel na saglit na namahinga sa showbiz.

Basahin: https://balita.net.ph/2022/02/12/xyriel-manabat-ibinida-ang-naudlot-na-piercing/">https://balita.net.ph/2022/02/12/xyriel-manabat-ibinida-ang-naudlot-na-piercing/