Pinasalamatan ng misis ni Senador Robin Padilla na si Mariel Rodriguez-Padilla ang mag-asawang sina dating Pangulong Gloria Macapagal-Arroyo at dating First Gentleman Mike Arroyo, na umano'y nag-treat sa kanila sa Balesin Island dahil sa pagkapanalo ng kaniyang mister.
"We had an unforgettable vacation with the Arroyos. Sir FG and Madame PGMA’s treat for Robin because he won. Baliktad because kami ang nagpapasalamat sa kanila. Big big help in Luzon, Visayas and Mindanao. They organized rallies and meetings for Robin because wala naman kaming means mag ganun.," ani Mariel.
Pinuri ni Mariel ang pagiging mabait at down to earth ng mag-asawa at kanilang pamilya.
"They did all that with nothing in return they just believe and want to help Robin out. Super nilang bait, super down to earth ng buong pamilya. Akala mo nakaka-intimidate pero lahat sila as in lahat sila super bait!!! Most important is the wisdom they shared and continue to share with us."
'Back to you mamang!' Chloe, rumesbak kay Ai Ai matapos hiwalayan ni Gerald?
"We are so grateful. Thank you very much Madame PGMA, Sir FG, @datoarroyo @kakaiarroyo @eviearroyo and the whole family!!! Thank you!!!!"
Matatandaang nauna nang pinasalamatan ni Padilla ang mag-asawa na siya umanong naging "Hari at Reyna" ng kaniyang naging kampanya sa nagdaang halalan.
"Mula noon sa kulungan hanggang sa naging mga suspect kami bilang mga extremist, si ninang GMA ang laging tumatayo sa gitna at ipinagtatanggol ako at inaayos ang buhay ko. Hindi niya kailanman ako pinabayaan. Pinangatawanan niya ang pagiging ninang niya," ani Robin.
"Ngayon naman eleksyon, nabalitaan ni ninang wala akong logistics. Nagsagawa siya ng mga conference at convention para sa akin. Inikot ako sa Pampanga at sa Iloilo. Sagot lahat ni FG (Mike Arroyo)," dagdag pa ng senador na nanguna sa senatorial race.
Basahin: https://balita.net.ph/2022/06/19/ang-hari-at-reyna-ng-buong-kampanya-ko-gma-mike-arroyo-secret-weapon-ni-robin-sa-pagkapanalo/">https://balita.net.ph/2022/06/19/ang-hari-at-reyna-ng-buong-kampanya-ko-gma-mike-arroyo-secret-weapon-ni-robin-sa-pagkapanalo/
