Habang hindi pa handa ang YouTube star na si Zeinab Harake na muling pumasok sa isang panibagong relasyon ay aminado naman itong gustong masubukang makipagrelasyon sa isang pogi.
Sumalang sa lehitimong lie detector test si Zeinab sa YouTube vlog ni Kapuso star Bea Alonzo kung saan buong-tapang na sinagot ng online personality ang mga kontrobersiyal na tanong kabilang ang tungkol sa dating partner na si Skusta Clee.
Bagaman hindi itinuturing ni Zeinab na isa siyang celebrity, aminado ang online star na isa siyang kontrobersiyal na personalidad.
Hindi man binanggit sa buong vlog, natalakay sa parehong test ang relasyon ni Zeinab kay Skusta. Pag-amin niya, napapagod na siyang paulit-ulit na pag-usapan ang dating partner.
'Back to you mamang!' Chloe, rumesbak kay Ai Ai matapos hiwalayan ni Gerald?
“Nakakapagod. Paulit-ulit na,” sey ni Zeinab.
Kumpiyansa rin si Zeinab na “mas gaganda” ang takbo ng kaniyang buhay ngayong tapos na sila ni Skusta.
“Wala na ‘yung pressure na araw-araw mong iisipin ‘yong kailangan mong unahin ang ibang tao kesa sa sarili mo. Ngayon mas uunahin mo na lang ‘yong sarili mo ta’s yong mga taong kailangan ka,” saad ng YouTube star.
Dagdag niya, hindi man siya perpekto ngunit alam niyang hindi siya nagkulang sa naging relasyon nila ni Skusta.
Dito sunod na sinabi ni Zeinab na wala na siyang balak pang balikan ang dating partner.
Nauwi naman sa tawanan ang takbo ng usapan nang matanong ni Bea si Zeinab kung hahanap na ba siya ng gwapo ngayong single na ulit ito.
“Gusto ko na ma-try,” pabiro at natatawang sagot ng YouTube star habang muling inungkat ni Bea ang isang hindi pinangalanang celebrity na nag-slide sa kaniyang Instagram DM (direct message) noon.
“Hindi mo lang pinapansin, tignan mo may mga celebrity [na nagpaparamdam],” sey ni Bea.
Sa ngayon, wala sa prayoridad ni Zeinab ang pumasok sa isang panibagong relasyon gunit bukas aniya siya sa mga "dating stage." Mas magiging matimbang na rin umano para kay Zeinab ang kaniyang career sa oras na magkaroon muli ng panibagong chance at love.
