Sa kabila ng kaniyang medikal na kondisyon ay hindi pa rin tinatantanan ni Manay Lolit Solis si Kapuso actess Bea Alonzo, na aniya’y tanging taong sasaya kapag nawala siya.
Ilang healthy tips ang payo ni Manay Lolit sa kamakailangang Instagram update matapos subukan ang sleeping pills kamakailan.
“Naku Salve hah! Huwag kang iinom ng sleeping tablet para makatulog. Ang pangit pala ng side effect nito, ang tamad mo paggising, para kang nanghihina. Hindi na ako iinom nito at pilitin ko na lang makatulog pag kailangan,” sey ng veteran entertainment columnist habang sinabing muntik na siyang hindi makapag-update sa IG dahil dito.
Sunod na nagpahayag ng pasasalamat si Manay Lolit sa mga taong nag-aalala sa kaniyang hindi nabanggit na medikal na kondisyon.
Carlos Yulo, wala pa raw naibibigay na tulong sa pamilya kahit palihim na abot?
“Dahil si Bea Alonso lang naman ang sasaya ‘pag nawala ako, kaya sorry Bea, mas malakas prayers nila Leo Espinosa. Kaloka talaga na kahit nanghihina ako si Bea Alonso parin ang nasa utak ko,” hirit naman ng 75-anyos na talent manager sa kabila ng mga nararamdaman sa katawan.
Matatandaan na si Bea ay isa sa kaniyang madalas na patutsadahan sa mga Instagram updates.
“Bongga siya ha, lakas kulam niya sa akin,” biro ni Manay Lolit.
Nananatiling dedma si Bea sa mga talak sa kaniya ng batikang showbiz insider.
