LUCENA CITY, Quezon --  Dead-on-arrival ang isang technician at sugatan ang dalawa niyang angkas matapos sumalpok ang kanilang motorsiklo sa isang poste ng ilaw habang binabagtas ang Old Maharlika Highway malapit sa Dumacaa bridge, Brgy. Ibabang Dupay, Lucena City, Sabado, Hulyo 16, 2022.

Ayon kay PEMS Aldin R Rañola, case officer ng Lucena City PNP nakilala ang nasawi na si Carl Aljhon Lagarde Regonay, 22, at nakatira sa Sitio Tando North Employees Village Brgy Gulang-Gulang, Lucena City. 

Ang dalawang sugatan naman ay sina Christian Tinamel Torio, 24 at Jonathan Pursenguez Torio, 20, pawang naninirahan sa Purok Atin-Atin Brgy. Ibabang Dupay, Lucena City. 

Base sa ulat ng pulisya, nabatid na habang sakay ang tatlo, sa SkyGo motorsiklo na minamaneho ni Regonay, binabagtas nila ang kahabaan ng Gomez St. nang nawalan ng kontrol kaya bumangga ito sa isang konkretong poste ng ilaw, ayon kay Rañola.

Probinsya
Pusa hinagis sa dagat para sa content; dalawang menor de edad, timbog

Pusa hinagis sa dagat para sa content; dalawang menor de edad, timbog

Naganap ang aksidente dakong alas 6:09 ng umaga. Sa kasamaang palad, dead-on-arrival si Regonay nang dalhin sa Quezon Medical Center (QMC) habang ang dalawa niyang angkas ay nilalapatan ng lunas sanhi ng tinamong sugat sa ulo at katawan.