May payo ang celebrity host na si Raymond Gutierrez sa kaniyang ate na si Ruffa matapos ang mga patutsada sa kaniya ni Rep. Rowena Guanzon kamakailan.
Matatandaang nagsimula ang lahat sa umano’y pagpapalayas ni Ruffa sa dalawang kasambahay na unang pinalitaw ni Guanzon sa isang tweet, bagay na pinabulaanan naman ng aktres at ng legal counsel nito.
Karina Bautista, PH navy reservist na
Nauwi pa ito sa umano’y pasaring ng talent manager at ina ni Ruffa na si Anabelle Rama kay Guanzon na dinepensahan rin ng “Maid in Malacanang” director na si Darryl Yap, at talent nitong si Juliana Parizcova.
Basahin: Ruffa, napa-huwaaawww!!! Annabelle, dedma kay Rowena – Balita – Tagalog Newspaper Tabloid
Sa isang Instaram post, Lunes, Hulyo 11, kung saan ibinahagi ni Ruffa ang larawan nilang mag-iina sa “It’s Showtime,” isang komento ang malinaw na ipinaabot ni Mond sa kaniyang ate.
“Focus on all your blessings and don’t mind the haters!❤️” saad ni Mond sa kaniyan ate sa gitna ng umano’y pambabardagul ni Guanzon kay Ruffa, at sa kaniyang inang si Anabelle.
Sa panayam ni Ruffa sa celebrity beauty expert na si Vicky Belo sa isang YouTube vlog, nagpapasalamat ang celebrity mom sa mga pumasok na blessings dahilan para maging abala siya kahit nasa gitna ng pandemya.
Matatandaang bumida si Ruffa sa dalawang serye sa ABS-CBN kabilang ang “The House Arrest of Us” at ang “Love Thy Woman” noong 2020 at 2021, ayon sa pagkakasunod-sunod.
Sa isa pang hiwalay na Instagram post, ibinahagi rin ng aktres ang dalawa pang natanggap na bagong offers at marami pa aniyang ibang good news.
Maaalalang bibida rin si Ruffa bilang si Imelda Marcos sa “Maid in Malacanang” na likha ng kontrobersiyal na si Yap.
