Ipinaalala ng direktor ng VinCentiments at pelikulang "Maid in Malacañang" na si Darryl Yap sa kaniyang artistang si Ruffa Gutierrez na nasa likod niya ito, handa siyang bumack-up, at gumawa ng content para sa kontrobersiyang kinasasangkutan nito ngayon tungkol sa mga kasambahay na umano'y pinalayas niya.
Ibinahagi sa opisyal na Facebook page ng "VinCentiments" ang screengrab ng ipinadala umanong mensahe ni Yap para kay Ruffa.
"Hi Ruffa Good Morning… I know you are on your way to It's Showtime, just know that I am here, we are all here… let's make a content about it, sana may free time pa tayo," pahayag umano ni Yap.
Ang sumunod na talata ay tila pasaring ng direktor na hindi niya kilala ang umaaway kay Ruffa, kaya kinailangan pa umano niyang i-research ito, kagaya ng ginawa niya kay Blaster Silonga, ang miyembro ng bandang "IV of Spades" na nagpakawala ng malutong na mura sa kaniya.
Karina Bautista, PH navy reservist na
Basahin: https://balita.net.ph/2022/07/11/blaster-silonga-ng-iv-of-spades-minura-si-darryl-yap-gino-google-ka-pa-raw-po-ni-direk/">https://balita.net.ph/2022/07/11/blaster-silonga-ng-iv-of-spades-minura-si-darryl-yap-gino-google-ka-pa-raw-po-ni-direk/
"Niresearch ko na, dati syang taga-Comelec, She is an Old Lady, maybe stressed sya and alone, wag ka na lang sumagot."
Banat pa niya, "Sandali na lang ang buhay ng matatanda, kung dyan sya masaya, wag natin basagin ang trip nya."
Ang pinatutungkulan umano nito ay walang iba kundi si dating COMELEC Commissioner Rowena Guanzon, na siyang tumawag ng atensiyon kay Ruffa kaugnay ng nabalitaan nitong pagpapalayas daw sa dalawang kasambahay na hindi nasahuran.
Basahin: https://balita.net.ph/2022/07/09/guanzon-sa-umanoy-pagpapalayas-ni-ruffa-sa-2-kasambahay-nang-di-nasasahuran-is-it-true/">https://balita.net.ph/2022/07/09/guanzon-sa-umanoy-pagpapalayas-ni-ruffa-sa-2-kasambahay-nang-di-nasasahuran-is-it-true/
Sa comment section ay makikitang nagkomento si Ruffa.
"I found a true friend in Direk Darryl Yap," aniya. Bumuhos din ang komento ng BBM supporters sa kaniyang post.
Samantala, tila nagparinig din naman si Guanzon sa kaniyang latest tweet nitong Martes, Hulyo 12.
"I am an elected official, not a two bit actor. hindi pa ako laos. Call me a whore but never call me damatands. #Bardagulan," saad ng dating komisyuner.
Nakaabang na rin ang mga netizen sa posibleng salpukan nila ni Annabelle Rama na binak-apan na rin ang anak.
Basahin: https://balita.net.ph/2022/07/12/popcorn-please-salpukang-annabelle-at-rowena-inaabangan-ng-mga-netizen/">https://balita.net.ph/2022/07/12/popcorn-please-salpukang-annabelle-at-rowena-inaabangan-ng-mga-netizen/
