Hindi umano inasahan ni Kapamilya young actress Andrea Brillantes na mahuhulog ang loob niya kay basketball superstar-actor Ricci Rivero, batay sa panayam sa kaniya ni ABS-CBN news anchor Karen Davila, sa latest vlog nito.
Naungkat ni Karen ang tungkol sa viral proposal ni Ricci sa kaniya, na maging nobya nito. Naging kontrobersiyal ito dahil ayon sa bashers, alam na raw iyon ni Andrea bago pa maganap.
Basahin: https://balita.net.ph/2022/04/10/got-two-wins-today-rivero-pumuntos-nakaiskor-ng-yes-kay-brillantes/
"Hindi po!" pag-amin ni Andrea. Ang totoo pa nga raw, ihing-ihi na siya ng mga oras na iyon. Nagulat na lamang siya nang kunin ni Ricci ang mikropono at naganap na nga ang kinakiligang proposal.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Nawala nga raw ang pagka-wiwi niya dahil sa matinding gulat sa ginawa ni Ricci, na nasaksihan ng madlang pipol sa buong SM MOA Arena.
"Nanginig ako eh… as in first time yung tuhod ko, nanlamig…" pag-amin pa ng aktres.
Bagama't aminado rin siyang may kutob siya ng slight, dahil nanliligaw na sa kaniya ang basketbolista. Ngunit pinagsabihan niya si Ricci na magpokus na muna sa kaniyang laro sa UAAP, at kahit hindi muna siya kausapin ay ayos lang.
"Pero siyempre, hindi naman ako perfect, marupok ako…" natatawang sabi ni Andrea. Binigyan na raw niya ng permiso si Ricci na anytime ay puwede na itong magtanong sa kaniya.
Wala raw talaga sa plano niyang mag-jowa ulit, dahil kagagaling lamang niya sa "biggest heartbreak". Nakaapekto rin kay Andrea ang sunod-sunod na isyung kinasangkutan niya kaugnay nito, gayundin ang pagkamatay ng kaniyang tita.
Pag-amin pa nga ni Blythe, hindi siya mahilig sa basketball player, lalo na't may "playboy stereotype" sa kanila. Ang pagkahilig nilang dalawa sa "astrology" ang naging mitsa upang magkalapit sila.
"Hindi po ako mahilig sa basketball player… Sabi kasi nila, manloloko. Yung mga ganyan. Kaya sabi ko, hindi na. Ayaw ko na nga ng another heartbreak. Nang nakita kong nagpo-post siya sa IG noon, magka-follow kami doon. Tungkol sa astrology, eh mahilig ako roon. Sabi ko, 'Uy mahilig ka pala diyan.' Tapos sabi niya, 'Yeah.' Tapos hindi na ako nag-reply, nakalimutan ko,” kuwento ni Andrea.
Naniniwala rin si Andrea na seryoso ang ipinakikitang pagmamahal sa kaniya ng boyfriend.
