Sa kabila ng mga intriga ay nagbabalik na sa “It’s Showtime” si Ruffa Gutierrez para maging bahagi muli ng judging panel sa isang segment ng noontime show.
Kabilang na muli ng authori-team para sa “Showtime Sexy Babe” segment si Ruffa na naging abala para sa kontrobersiyal na pelikulang “Maid in Malacanang” ni Darryl Yap.
“Hello, madlang people, including all the Mariteses there!” bungad na pagbati ni Ruffa sa manunuod ng Showtime nitong Lunes, Hulyo 11.
“Ba’t mo sila binabati?” tanong naman ni Vhong.
Jude Bacalso, nanindigang valid complaint pagtawag ng 'Sir' sa kaniya ng waiter
“I want them to enjoy the show. Nandito si Anne,” sey ni Ruffa.
Matatandaan ang pinag-usapang diretsang tanong ni Cong. Rowena Guanzon ukol sa umano’y napalayas na mga kasambahay na hindi rin umano nasahuran.
“Parang may gustong ichika si Ruffa,” hirit ng kapwa hurado na si Kylie sa gitna ng banter ng mga host.
“Laglagan ha,” tugon ni Vhong Navarrro sa walang anu-anong banat ni Kylie.
Dito sunod na may inamin ang celebrity mom.
“I don’t know the word ‘bargalugan’ ha. I have to google it. Wala siya sa dictionary,” nabubulol pang sabi ni Ruffa na ikinahalaklak ng mga host.
“Last week ko pa 'yun sinabi,” pagsingit ni Kylie.
“Hindi ko siya mahanap. Sorry, I don’t know what it means,” tugon ni Ruffa.
Nitong umaga ng Lunes, usap-usapan ang tila parinigan umano ng dalawang bardagulan queens na sina Guanzon at ng prangkang celebrity Cebuana mom na si Anabelle Rama bilang depensa anang netizens ng talent manager sa anak na si Ruffa sa mga naging patutsada at paratang ng congresswoman.
Habang nag-aasaran, naalala naman ni Ruffa ang host na si Vice Ganda na kasalukuyang nasa Amerika para sa ilang serye ng concerts.
“I’m sure if Vice is here, he’ll make me okay. We miss you, Vice!” saad ni Ruffa sa host.
