Kumpiyansa at matapang pa ring nag-selfie ang first-time mom at online personality na si Viy Cortez halos isang linggo matapos ipanganak ang unang supling nila ng kapwa YouTube vlogger na si Cong Velasquez.

Ibinalandra ni Viy ang ilang pagbabago sa kaniyang pisikal na katawan matapos ipagbuntis at kamakailan nga’y ipanganak si Kidlat, noong Hulyo 5.

Sa isang Facebook post, Lunes, aminado at tanggap ni Viy ang kaniyang sarili lalo pa’t nangangapa pa aniya siya bilang first-time mom.

“Itsura ng nagpapadede, may tahi, nangangapa pa paano ba dapat ang tamang gawin. Okay lang yan bawi nalang sa mga susunod na buwan mahaalaga healthy si baby,” mababasa sa Facebook post ng skincare founder.

Tsika at Intriga

Jude Bacalso, nanindigang valid complaint pagtawag ng 'Sir' sa kaniya ng waiter

Saad pa rin ni Viy, “Alam ko naman [na] mahal ako ni Cong at ni Kidlat kahit ang panget ko ngayon hahahah.”

Gayunpaman, nangako ang first-time mom na babawi siya sa kaniyang sarili sa susunod na mga buwan.

“Ngayon, para sa anak ko muna lahat,” anang YouTube vlogger.

Hindi ito ang unang beses na nagbahagi ng positibong post si Viy para sa kaniyang buong pregnancy journey kay Kidlat.

Basahin: Viy Cortez, proud na ibinalandra ang pagbabago sa katawan dahil sa pagbubuntis – Balita – Tagalog Newspaper Tabloid

Noong Marso, sa isa ring Facebook post, hindi ikinahiya ni Viy ang pangingitim ng kanyang leeg dala ng kaniyang pagbubuntis.

Pinaulanan naman ng positibong komento ng kaniyang followers ang first-time mom.

“Para kay baby kidlat! Go sis!! We’re so proud of you!God bless you and your fam” saad ng isang netizen.

“Viy Cortez this is the true beauty of being a mother.. all the pain and sacrifices for the whole 9 month we finally bring the best gift that you will treasure forever..”

“One of the perks of being a mother is that no matter how we look, bad hair day, pimple break-out, etc. We will always be the prettiest in our children's eyes. Akala ko mga nanay lang ang gandang-ganda sa mga anak but my daughter always tell me I'm pretty even when I am not.And for sure, you are the most gorgeous woman in Kidlat's eyes.”

“Proud of you viy! Galing mo! Yan ang tunay na nagpapaganda sa babae”

“Dumaan din lahat ng new mommy diyan Mommy viy! Tatlong bwang puyat, sugat dede, maitim na leeg at kilikili pero para kay baby go langYou’re still beautiful. God bless you and your family!”

“Wala pong panget sa nanay na ibinibigay ang lahat sa kanyang mag-amaWorth it ang sakripisyo pagod at puyat nating mga ina.”

“For sure Cong will truly appreciate your pure love and sacrifice for themI salute your relationship from the very start.. Kudos for faithfulness and loyalty!”

Kasalukuyan nang tumabo ng mahigit 331,000 reactions ang nasabing post ni Viy.