Kahit may sari-sarili nang relasyon sina Bea Alonzo at Gerald Anderson ay ayaw pa rin tantanan ni Manay Lolit Solis at sinisi pa sa aktres ang kinahantungang kontrobersiyal na hiwalayan ng dating celebrity couple.
May panibagong talak ang batikang talent manager laban sa Kapuso actress matapos ungkatin muli nito ang naging pahayag ni Bea ukol sa isang ex na ayaw niyang makatrabaho, na hinuha ng netizens ay si Gerald, sa isang panayam ni Barbie Forteza kamakailan.
“Parang ang bitter naman ni Bea Alonzo sa ghosting sa kanya ni Gerald Anderson, Salve. Siguro naman hindi gagawin iyon ni Gerald kung walang dahilan. Dalawang beses daw ginawa ni Gerald, ibig-sabihin, ganuon nga kalaki ang love ni Bea kay Gerald. At ibig sabihin kahit love na love niya si Gerald, hindi siya minahal nito ng ganuon kalaki,” saad ng showbiz columnist sa isang Instagram update, Lunes.
Masaya ngayon ang Kapuso actress sa kaniyang buhay-pag-ibig sa piling ni Dominic Roque, ngunit tila hindi ito na-inform ang talent manager.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“So ang meron mali kay Bea Alonzo, bakit kahit ano gawin niya, wala lang, iniiwan lang siya. Imagine mo ipagpalit ka sa mas bata at mas maganda Julia Barretto, parang talo ang Bea Alonzo ‘di ba?” dagdag pa nito.
Sunod na ipinunto ni Manay Lolit na may espesyal na katangian si Julia, ang kasintahan ngayon ni Gerald, kaya ito ang mas pinili ng aktor kesa kay Bea.
“Sakit naman nuon, magiging stigma sa life mo na isipin pinagpalit ka at ghosting pa ha. Bongga ang Gerald Anderson, iniiwan lang basta basta ang isang Bea Alonzo. How painful naman huh huh huh😂,” pagtatapos ni Manay Lolit.
Nananatiling dedma si Bea sa mga patutsada ni Manay Lolit.
