May nakaserba pang pasabog si Herlene Budol sa kaniyang Binibining Pilipinas bid ngayong taon, pagbabahagi ng celebrity host kamakailan.
Sa isang ">panayam matapos ang hinangaang press press presentation performance ni Herlene noong Hulyo 5 ay tiniyak nitong marami pa siyang baon para sa kompetisyon.
“Ang pamilyang KF [Kagandahang Flores] ang hindi nagsasawang tutukan po ako,” saad ni Herlene sa kaniyang beauty camp sa pangunguna ng batikang queenmaker na si Rodgil Flores.
Ito'y matapos makatanggap ng feedback mula sa mga local pageant enthusiasts sa kaniyang pagkakaroon ng awra at ganda ng isang Latina beauty queen na isa sa mga malalakas na kandidata sa mga international pageants.
Chloe punumpuno ang puso dahil kay Carlos, inurirat kung kailan papakasal
Matatandaang marami ang nagulat sa transformation at pamatay na catwalk ni Herlene sa naganap na press presentation.
Kasunod nito, pumasok pa sa top picks si Herlene sa mga YouTube pageant predictions kamakailan.
Kaya saad ng aspiring beauty queen, “Papunta pa lang sa exciting part. May mga aabangan pa po kayo kaya please Lord, palakasin niyo pa po ang bawat hakbang ko,” sabay saad na nararamdaman niya ang tagumpay sa dulo ng kaniyang unang national pageant journey.
“Ini-enjoy ko lang po talaga. Para sa akin po talaga, nandito kami para mag-entertain, ma-impress po ‘yung mga tao at para rin po maimprove ‘yung sarili namin,” saad ni Herlene nang tanungin ukol sa kaniyang experience so far sa naturang pageant.
Bagaman hindi aniya ngumiti sa kaniya ang kalakhang judges noong press presentation ay masaya at kumpiyansa ang delagada ng Angono Rizal sa naging performance niya sa event.
Sa Hulyo 31 gaganapin ang coronation night ng prestihiyusong pageant.
