Ganito inilarawan ng showbiz columnist na si Manay Lolit Solis ang buhay ni Pokwang kasunod ng napabalitang hiwalayan ng komedyana sa afam nitong asawa na si Lee O’brian.
“Tinatanong pa lang ng marami kung sino ang ama ng kanyang anak na mestisa, hiwalay na pala agad sila. Hindi mo tuloy alam kung ano ba ang background story ng lovelife niya dahil hayun, wala na,” sey ni Manay Lolit.
“Pero dahil mahirap din para sa isang babae na ma-inlove, magkaanak at tapos mahiwalay, we feel for Pokwang,” dagdag na simpatya ni Manay.
Ayon sa kaibigan ng Kapuso comediane at talent manager na si Ogie Diaz, Nobyembre 2021 pa umano nag-split si Pokwang at Lee.
Carlos Yulo, wala pa raw naibibigay na tulong sa pamilya kahit palihim na abot?
Sa ngayon, co-parenting umano ang setup ng mag-asawa para sa isa nitong chikiting na si Malia.
Kumpiyansa naman si Manay Lolit sa kahandaan ni Pokwang na maging isang Kapuso single mom sa kaniyang mga anak sa kabila ng hindi abalang showbiz industry sa ngayon.
“Mahirap din magpalaki ng mga anak, lalo na ngayon na medyo mahirap ang buhay at hindi gaanong busy ang showbiz. Pero mukha naman mahusay magdala ng kalagayan niya si Pokwang kaya tiyak na papasa siya sa mga pagsubok na darating sa buhay niya. For sure, mapapalaki niya ng mabuti ang mga anak niya,” sey ni Manay Lolit.
