Ipinagbabawal muna ngIloilo City government ang pagpasok sa kanilang lugar ng mga poultry product na nagmumula sa Luzon at Mindanao dahil sa mga kaso ng bird flu.
Kabilang sa hindi pinapayagang maipasok sa lungsod ang lahat ng buhay na manok, pato, gansa, turkey balot, itlog na maalat, itlog ng pugo, at itlog ng manok alinsunod na rin sa Executive Order No. 5 na inilabas niMayor Jerry Treñas, ayon kayIloilo City veterinarian Dr. Tomas Forteza, Jr..
Ipatutupad ang kautusan simula Hulyo 7 hanggang Agosto 5.
Gayunman, nilinaw ni Forteza na hindi kasama sa temporary entry ban ang dressed chicken na dumaan sa inspeksyon ng National Meat Inspection Service (NMIS) at may shipping permit.
72-anyos, pinalo ng dumbbell sa ulo ng kaniyang misis na may mental disorder
"Nagsabi naman ang aming Mayor na this could be lifted anytime if the situation of avian influenza in the whole country will improve within this month," banggit ni Forteza.
Kamakailan, naiulat na tinamaan ng avian flu o bird flu ang ilang probinsya sa Central Luzon at Mindanao kaya agad na naghigpit ng restriksyon ang Department of Agriculture (DA) sa pagbiyahe ng mga poultry product.
