Tila hindi nagustuhan, at hindi sang-ayon ang beteranang talent manager, at showbiz columnist na si Manay Lolit Solis sa kontrobersyal na pahayag ni Ella Cruz ukol sa history.
Naging paksa sa “Take it! Take it! Me Ganun!” nina Manay Lolit Solis, at Mr. Fu ngayong Martes, ang pinag-usapang pahayag ni Ella ukol sa kasaysayan kasunod ng kaniyang pagganap bilang si Irene Marcos sa pelikula ni Darryl Yap na “Maid in Malacanang.”
“History is like tsismis. It is filtered and dagdag na rin, so hindi natin alam what is the real history. Naro’n na yung idea, pero may mga bias talaga. As long as we are here at may kaniya-kaniyang opinion, I respect everyone’s opinion,” saad ni Ella.
Dito hiningan ni Mr. Fu ng saloobin si Manay Lolit.
'Back to you mamang!' Chloe, rumesbak kay Ai Ai matapos hiwalayan ni Gerald?
“Alam mo bilib ako sa utak niya. Imaginin mo, isa siyang walang kakuwenta-kuwentang starlet, na ngayon ay pinag-uusapan na,” diretsang sabi ni Manay Lolit.
Matatandaang nag-trend si Ella at naging laman ng maraming diskusyon sa telebisyon at sa social media kasunod ng kontrobersiyal na pahayag.
“Ang galing. Sinong makakaisip nun? Tinalbugan niya talaga lahat,” dagdag ni Manay Lolit sa tinamong atensyon ng aktres.
“Nag-react lahat. Kasi ‘di mo akalain na may isa pa lang bobita, ganito pala kabobong tao,” segundang talak ng talent manager.
Payo naman ni Mr. Fu sa batang aktres, “Basta Ella Cruz, alamin lang natin, ang history ay history, at ang chismis ay chisimis magkaiba yun. Kasi history ay based on facts, ang chismis, ito nagchi-chismisan tayo. Magkaiba ‘yun, hindi pwedeng magka-intertwine kaya ka nag-trending.”
Gayunpaman, binati pa rin ng tandem ang aktres dahil sa nakuha nitong atensyon sa publiko.
“Bongga!” saad ni Manay Lolita.
