Ginulat ni Kapuso star Gabbi Garcia ang kaniyang Instagram followers ngayong Martes matapos iflex nito ang kaniyang kasexyhan suot ang two-piece bikini.
Sexy at confident si Gabbi sa tatlong serye ng mga larawan sa Instagram, pasilip nito sa kaniyang Panglao trip sa probinsya ng Bohol.
“There she goes,” mababasa sa IG post ng Kapuso star kalakip ang butterfly emoji na tila hudyat ng mas kumpiyansang aktres.
Napa-wow naman ni Gabbi ang ilang kaibigan at katrabaho kabilang sina Barbie Forteza, Bea Binene, at Valeen Montenegro.
Jude Bacalso, nanindigang valid complaint pagtawag ng 'Sir' sa kaniya ng waiter
Hindi rin mapigilang mapakomento ni Miss Universe Philippines 2020 na si Rabiya Mateo sa mga larawan ng 23 taong-gulang na aktres.
“Grabe naman ‘yan!” saad ng beauty queen-turned-actress sa larawan ni Gabbi.
Umani agad ng halos 60,000 reactions isang oras lang matapos ibahagi ng aktres ang mga larawan sa publiko.
