Isang kotse ang sorpresang regalo ng online personality na si Whamos Cruz para sa kaniyang amang si Papa Tikyo, para sa pagdiriwang ng Father's Day.
Bago ibigay ang susi ng kotse at ipakita ito, nagsagawa muna ng prank si Whamos sa ama. Piniringan muna niya at jowang si Antonette Gail del Rosario ang ama upang sorpresahin ng chocolate cake ito na may nakalagay na "Happy Father's Day".
Maya-maya, muli nilang piniringan si Tikoy. Isang dating kasamahan umano sa showbiz ang dumalaw rito kaya kinailangan nilang lumabas ng bahay. Dati kasing ekstra sa pelikula si Tikoy.
Inakay nila ang ama patungo sa kotse. Nang tanggalin ang piring, dito na bumungad sa kaniyang harapan ang isang Honda City na kulay gold.
'Back to you mamang!' Chloe, rumesbak kay Ai Ai matapos hiwalayan ni Gerald?
"Maganda na yung sasakyan niya guys oh," sey ni Whamos. "Mahal na mahal kita, namin… itinaguyod mo kami simula pagkabata, ngayon… kami naman ang babawi para sa iyo."
"Achievement n'yo eh achievement ko na rin," aniya sa anak. Makikitang naluluha ang ama at nagpapahid ng kaniyang mga mata.
Nasira daw kasi ang unang sasakyan ng kaniyang ama kaya binilhan niya ito nang mas okay.
Masayang tinesting ni Papa Tikoy ang kaniyang bagong kotse.
