Usap-usapan sa social media ang pag-unfollow na raw sa isa't isa ng Kapuso couple na sina Rabiya Mateo at Jeric Gonzales ngayong Hunyo 20.
Kapag daw sinearch sa kani-kanilang IG accounts ang mga pangalan nila ay hindi na raw ito lumilitaw.
Napansin din ng mga netizen na tila burado ang mga litrato ni Jeric sa IG ni Rabiya, gayundin ang mga litratong magkasama sila. Kung bibisitahin naman ang IG account ni Jeric, naroon pa naman ang kanilang mga litrato.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Kamakailan lamang ay naibuking ng showbiz columnist na si Lolit Solis na tila away-bati raw ang dalawa, at nag-alala pa nga itong baka makaapekto sa showbiz career nila ang mga negatibong balita tungkol sa kanilang relasyon.
Naisyu rin ang mga kumakalat na litrato ni Jeric kung saan tila makikitang may katukaan siyang kapwa lalaki.
Basahin:https://balita.net.ph/2022/06/13/kumakalat-na-malisyosong-litrato-umano-ni-jeric-gonzales-usap-usapan-anong-sey-ni-rabiya/">https://balita.net.ph/2022/06/13/kumakalat-na-malisyosong-litrato-umano-ni-jeric-gonzales-usap-usapan-anong-sey-ni-rabiya/
Bagay na pinasinungalingan naman ng ilang mga netizen at sinabing screengrab ito mula sa indie film ng aktor noong 2020.
Basahin: https://balita.net.ph/2022/06/14/viral-photos-ni-jeric-gonzales-na-nilagyan-ng-malisya-kuha-raw-sa-indie-film/">https://balita.net.ph/2022/06/14/viral-photos-ni-jeric-gonzales-na-nilagyan-ng-malisya-kuha-raw-sa-indie-film/
Tanong ng bayan, nauwi na ba sa hiwalayan ang kanilang away-bati? Nagmistulang indikasyon kasi na on the rocks ang relasyon ng mga mag-jowang celebrity kapag nag-unfollow na ang mga ito sa kani-kanilang social media accounts.
Kung totoo man daw ito, marami sa mga tagahanga nila ang nanghihinayang dahil kamakailan lamang ay ibinahagi pa nilang dalawa ang kanilang post-date night photo upang ipakitang maayos sila at hindi pa nagkakalabuan.
Ibinalandra at kinumpirma ng dalawa ang kanilang relasyon noong Marso 2022.
Basahin: https://balita.net.ph/2022/03/17/sa-yo-na-korona-rabiya-mateo-miss-universe-sa-puso-ni-jeric-gonzales-kailan-nagsimula/">https://balita.net.ph/2022/03/17/sa-yo-na-korona-rabiya-mateo-miss-universe-sa-puso-ni-jeric-gonzales-kailan-nagsimula/
Wala pang tugon o pahayag ang kampo nina Jeric at Rabiya tungkol dito.
