Hindi na nakapagtimpi ang Kapuso actress na si Carla Abellana at nagsalita na tungkol sa hindi matapos-tapos na intriga sa kanilang relasyon ng mister na si Tom Rodriguez.
Walang prenong sinagot ni Carla ang mga direktang tanong at pang-uurirat sa kaniya ng mga netizen.
Isa sa kanila ang biglang nagkomento, "And my comment was removed hahaha. Bakit? Takot ka mabasa na hypocrite ka. Wag ka magbait-baitan kasi hindi ka mabait."
At tumugon naman dito si Carla, "Ayaw ko lang po ng negativity.”
Suwabeng puksaan, usap-usapan; Denise Julia kay Killa Kush, 'I will see you in court!'
Ngunit hindi siya tinantanan ng isa pang netizen at inungkat pa ang madalas na pag-like niya sa mga negatibong balita laban kay Tom.
"Ayaw mong negativity sana di ka na lang nag-like sa mga nega comments kay Tom, sana nung nagka problema kayo sana hindi ka nag igs na humihingi ka ng tulong?”
Sana rin daw, inayos na nilang dalawa ng problema nilang mag-asawa.
“Sana nag-usap na lang kayo, hindi yung hindi mo kinakausap tapos ngayon may balita nag-aasikaso ka ng annulment. Inaamin naman ni Tom nagkamali siya pero di naman po yata tama na natiis n'yo s'ya na hindi kausapin. Sana hinayaan mo siyang magpaliwanag, kaya lang marami ng nakisawsaw, like noon yung isa sa mga bff mo nag igs about narcissist, tapos may mga fans si Tom na sinasabi narcissist ka. Sana man lang po mag-usap kayo nang maayos ng asawa mo."
"Kaya siguro nag-post si Tom kasi nagsawa na siya sa kahihintay na kausapin mo siya. Hindi po kayo magkaka-peace of mind kung di kayo nag-uusap mag-asawa. Kung gusto mong maging masaya ka mag-usap kayong mag asawa, sabihin mo sa kaniya lahat ng hinanakit mo hindi yung dine-deadma mo siya.”
Agad na tumugon dito ang Kapuso actress.
“Opo, nag-like po ako, pero 'yon lang po ang ginawa ko. Hindi ko na po 'yon inulit. Nag-like po ako pero hindi ko po ginawa nang paulit-ulit at nang matagal. Ang taong lubos na nasaktan hirap pong pigilang hindi ilabas ang galit sa anumang paraan. I was disrespected. I was betrayed. I was lied to. I was used. I was shamed. I was made to look so stupid.”
“Kung sana hanggang doon lang po makakabangon din po ako balang araw. Pero para gawan pa po ako at ang pamilya ko ng mas marami pang kasamaan at kataksilan sa mga sumunod na araw, linggo at buwan, sobra sa sobra na po ang sakit at pagdurog ng puso at pagkatao ko.”
Ipinagtanggol ni Carla ang kaniyang sarili at sinabing wala siyang ibang ibinigay kay Tom kundi pagmamahal.
“Wala po akong ginawang masama kay Tom. Wala po akong ibinigay kay Tom kundi tunay na pagmamahal, respeto, pag-aalaga, pag-aaruga, pag-unawa, pagtitiis, sangkatutak na pagpapatawad, milya-milyang pasensya, paniniwala, pagtiwala, pag-aasikaso, pagprotekta, lahat-lahat na."
Tila may sinabi naman si Carla tungkol sa pagpigil sa kaniyang mag-react tungkol sa nangyayari sa kanilang relasyon.
“Binigay ko po buong buhay ko sa kaniya. 7 na taon po akong bawal magalit, magtampo, masaktan, mabigo, malungkot, madismaya dahil hindi po pwede. Makakatikim po ako kahit subukan ko pong ipaliwanag sa kaniya na nasasaktan niya ako at hindi po tama ang mga ginagawa niya. Paulit-ulitko pong pinapaalala sa kaniya na hindi po ako kalaban at mabuti po ang kalooban at intensyon ko. 7 na taon pong naipon sa loob ko lahat 'yon. Gustuhin at kailangan ko man pong ilabas, lubos na nakakakatakot po.”
Ipinahiwatig ni Carla na mukhang may pinagdaraanan si Tom dahil sinabihan na niya itong magpakonsulta sa espesyalista.
“Ilang beses ko po siyang hinikayat na magpatingin, magpagamot at magpagaling dahil 'yon din po ang gumana sa akin. Pero wala pa rin po. Tinanggap ko pa rin po siyang ng walang pagdududa kahit wala pong pagbabago. Hinarap ko po siya sa altar. Buong puso po akong determinadong alagaan ang pagsasama at pagmamahal namin, at panindigan ang mga sinumpaan namin sa harap ng Diyos."
“Sa dami po ng binigay ko kay Tom wala na pong natira sa akin. Galit, pride at ego ko siya na rin po ang kumuha sa akin at hinayaan ko naman pong kunin din po niya.”
“Pinaglaban ko po siya ng lagpas sa 7 na taon. Kahit po kung tutuusin wala pa po yung pag-like sa iilang comments na 'yon kumpara po sa nagawa niya sa akin at sa aming lahat, at sa lahat-lahat pa po ng ginawa niya at ginagawa niya."
“Sa lala po ng sakit, pambabastos, panloloko, pandudurog, paninira, panggagamit at pagtataksil po niya, mga tinago niya, napakadali pong ibalik sa kaniya sa paraan ng pagganti. Pero hindi po ako ganun. Hindi po ako bobo. Hindi po ako lalaban kahit tapak-tapakan na po ako nang husto.”
“Hindi po ako mababaw. Hindi po ako masamang tao. Kung ano po ang nakikita, naririnig at nababasa ninyo online ay kakarampot lang po ng hindi po ninyo nakikita, naririnig at nababasa kapag wala pong kahit anong camerang naka-record.
“Kapag sarado na po ang pinto sa pamamahay po namin at wala na pong ibang nakakakita. Hindi po ako masamang tao tulad ng sinasabi, nararamdaman, naririnig at nakikita po ninyo online, sa TV, etc. Pinalaki po ako ng nanay at lola ko na marunong rumespeto, umunawa, magmahal, magpatawad, magpasalamat, magpakumbaba, at higit sa lahat may takot po siya Diyos.”
Habang isinusulat ito ay wala pang tugon, reaksiyon, o pahayag si Tom tungkol sa mga rebelasyon ni Carla.
