Masayang-masaya ang kasambahay ni Kapamilya actress-social media personality Ivana Alawi nang dalhin niya ito sa klinika ng sikat na celebrity doctor na si Dra. Vicki Belo, upang iparetoke ang ilong nito.
Sa kaniyang latest vlog na "Retoke Prank + Surprise" na umere nitong Hunyo 14, sinabi ni Ivana na matagal nang wish ni Mae, ang nabanggit na kasambahay, na maipaayos ang ilong nito dahil sa naranasan nitong bullying noon kaugnay nito.
May disclaimer naman si Ivana para sa mga taong hindi pabor sa pagpapa-"Salamat po Dok".
“Ang importante sa akin ay makapagpasaya ng tao. Sa mga against sa pagpaparetoke, okay lang naman kung dream talaga ng tao kasi hindi naman namin pinipilit or ano. It’s her body and gagawin ko ‘yong makakapagbigay sa kaniya ng confidence at kung anong makakapagpasaya sa kaniya," aniya.
Habang si Maris namundok: Anthony, pumarty kasama ang Incognito stars
Ngunit bago nito ay na-prank muna ni Ivana ang kaniyang kasambahay. Ipinasundo pa ni Iva si Mae sa pamamagitan ng helicopter mula sa Batangas kung saan ito nagbabakasyon. Kunwari ay uusisain niya ito dahil nai-report sa kaniya ng ilang mga kasamahan, na hindi umano maganda ang trato nito sa kanila.
Nang mapaiyak si Mae ay saka lamang sinabi ni Ivana na prank lamang ang lahat at kung ano ang totoo niyang balak para sa kasambahay. Agad naman silang nagtungo sa klinika ni Belo para sa briefing at pagpapa-schedule ng procedure.
Umani naman ito ng iba't ibang reaksiyon at komento mula sa mga netizen.
"I like how close they are to their helpers and yet they still call 'madam, ma'am' si Ivana as a sign of respect."
"Napaiyak ako sa ginawa mo kay Mae, that will change her life forever, her confidence will boost up. I wish I could enhance my nose as well as I always got bullied about having a flat nose when I was a kid, even until now. More blessings to you Ivana and Alawi family for all that you do!"
"Isa kang napakalaking instrumento ni God Miss Ivana para ma-share ang blessings na binibigay sa'yo ni God… kaya sobrang blessed ka kasi napakabait mo… God knows kung sino ang may malaking puso, more more blessings to come sa buong family mo Miss Ivana… keep safe always…"
Samantala, pumalo na sa 1,798,337 views ang vlog na ito ni Ivana.
