Marami ang nagpaabot ng pagbati kay showbiz columnist Ogie Diaz sa pagbili niya ng bagong sasakyan, katas mula sa kaniyang pinagpaguran sa halos 35 pagtatrabaho sa showbiz industry.
Ngunit kung marami ang pumuri, may ilan din namang pumuna at nang-okray sa kaniya, bitbit ang paratang na kaya raw siya nakabili nito ay dahil sa pagiging masugid na tagasuporta ng Leni-Kiko tandem noong nagdaang kampanya.
May ilan namang nilait pa ang kaniyang hitsura, partikular ang kaniyang ilong.
Hindi naman ito pinalampas ni Ogie at nasampolan ang isang babaeng basher na nagkomento sa isang news site, nang maisulat at maibalita ang pagbili niya ng brand new green Lamborghini.
Regine, nakatanggap ng apology letter matapos maetsa-pwera sa billing ng MYX Global
"Tama ka lutang na lutang ang kulay ng napili mo, pasalamat ka sa viewers mo sa iyong YouTube nga tinangkilik nila kong wala sila hindi ka makabili ng ganyan sasakyan.. kaya pasalamat ka sa subscriber mo ilong, sunod mong iparetoke mo ang ilong mo… para lalo kang maging guapa," saad ng basher na isang babae.
Agad namang nag-Facebook post si Ogie ngayong Martes ng umaga, Hunyo 14.
"Gusto ng mga friends ko, mag-post pa daw ako ng mga nakakaaliw, dahil masarap daw basahin," ani Ogie
"Okay, sige. Since nagpapaantok ako now dito sa Corona, California (wow, masabi lang na nasa US, hahaha!), pumatol naman tayo sa comment ng isang netizen."
"Di ba, may ipinost ako? Picture ko sa tabi ng green Lamborghini? Dami nag-comment at nag-share. Lalo na yung mga pumuso."
"Dinukot din ng Kami.com.ph. Although I messaged them na 'may joke po sa dulo.' Eh kasi nga, sineryoso ng marami, hahaha!
Pero congrats sa mga naka-gets ng punchline."
"May pumukaw lang ng atensyon ko sa comment section ng post ng Kami. Itong si kagandahang Sarah Avancena," ani Ogie. Dito ay ibinahagi na nga niya ang komento nito sa kaniya.
"Ok. Hindi na ako magko-concentrate sa kabobohang umintindi, doon na lang ako dadako sa gusto niyang magparetoke ako ng ilong."
"Ateng, okay yung suggestion mo na magparetoke ako ng ilong kung feeling mo eh yung ilong mo ang batayan ng magandang ilong."
"Napa-stalk tuloy ako sa mga posts mo na mas madalas ka pang magpalit ng profile pic kesa mag-post ka ng mga concerns mo sa lipunan."
"So after my thorough evaluation, napabuntong-hininga na lang ako."
"So, ganito, Sarah… ‘wag kang nagsa-suggest na 'magparetoke ako ng ilong' kung may kapareho din akong ilong sa miyembro ng pamilya mo."
"Baka magtampo sila sa 'yo. Sa ilong ng ibang tao, concerned ka. Tapos, sa ilong nila, hindi."
"Tingin muna sa salamin, teh. O kung walang salamin, tingin din sa loob ng pamamahay mo, baka mas kailangan nila ng suggestion mo kesa kailangan ko."
"Saka ang kinis mo sa profile pic mo, teh, ha? Anong filter app yan?"
Panghuling hirit ni Ogie, "Actually, sa sobrang ganda mo, gusto kitang regaluhan ng manika at karayom."
Makikita sa screengrab na kalakip ng FB post na marami rin sa mga netizen ang nambarag sa naturang basher, sa mismong comment section nito.
