Ipinagmalaki ng "It's Showtime" host na si Ion Perez na nakabili siya ng sariling sasakyan mula sa katas ng kaniyang pag-iipon ng pera at pagtatrabaho.
Sa kaniyang vlog, ibinida ng mister ni Unkabogable Star Vice Ganda ang kaniyang segunda manong BMW, na aniya ay mula sa kaniyang ipon simula nang magkatrabaho siya at makapasok sa showbiz. Brand new car sana ang nais niya subalit hindi umano kakayanin, kaya second-hand na lamang ang binili niya.
"May naipon ako na konti para sa gusto kong kotse though second-hand lang siya. Gusto ko sana mag-brand new kaso hindi pa kaya ng budget," ani Ion.
Kaya rin daw siya nag-settle sa segunda mano ay dahil natuwa siya sa hitsura at kalidad nito. Kahit daw segunda mano ay parang fresh pa rin daw ito.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Suportado naman ng kaniyang misis na si Vice Ganda ang pagbili nito ng kotse. Proud siya kay Ion dahil sariling pera nito ang kaniyang ipinambili sa sasakyan.
Sa latest vlog naman ni Ion nitong Hunyo 11 ay pinaayos na niya sa auto shop ang kaniyang nabiling kotse upang magkaroon ng ibang look. #25 trending na ito ngayon sa YouTube channel.
