Sa kabila ng mga natatanggap na bash hinggil sa pagkakaroon ng bagong jowa at peperahan lamang daw siya, ibinalandra ni Pinoy Big Brother: Kumunity Season 10 Fifth Big Placer Brenda Mage na binigyan niya ng brand new iPhone ang jowang si Gio Sta. Ana.
"Oh di ba ang sweet.. binigyan ko siya ng iPhone, binigyan niya ako ng pinakulob na itik hahahahaha…. Oh mga Marites nagbigay na ako ng iPhone tama kayo gastos talaga pag manglalaki haha… oops share ko 'yan sa kaniya dahil sa income ko sa vlog noong bumisita ako sa bahay nila. Labyu Gio Sta Ana," ani Brenda sa kaniyang Facebook post noong Miyerkules, Hunyo 8.
Carlos Yulo, wala pa raw naibibigay na tulong sa pamilya kahit palihim na abot?
Ibinida naman ni Gio ang iPhone na ibinigay sa kaniya ni Brenda, na katas ng kinita nito sa vlog na nagtatampok sa pagbisita ng komedyante sa pamilya nito.
Makikitang mukha pa ni Brenda ang nakalagay na wallpaper.
Matatandaang ipinakilala ni Brenda ang bagong jowa sa unang araw ng Hunyo, kasabay ng 'Pride Month'.
Wala raw siyang pakialam sa mga sinasabi ng bashers na pineperahan lamang daw siya ng mga lalaki.
"Sey niya, "Ano ngayon kung pera lang habol sa akin ng lalaki at niloloko lang ako! Big deal? Yung magaganda at pogi nga naglolokohan eh ano pa ganitong mukha ahaha ano 'to para sa inyo lang valid ang feelings? Hahahaha!" aniya.
