Inanunsyo ng Department of Transportation (DOTr) na kabuuang 351,592 na pasahero ang nakinabang sa Metro Rail Transit Line 3 (MRT-3) noong Mayo 20, 2022, Biyernes, sa ilalim ng kanilang libreng sakay program.
Sa paabiso ng DOTr-MRT-3 nitong Sabado, ito na ang pinakamataas na bilang ng mga pasahero ng kanilang tren sa loob ng isang araw, simula nang magbalik-operasyon ang linya noong Hunyo 1, 2020.
Binanggit pa na resulta ito nang pagpapatupad nila ng libreng sakay at pagpapatakbo ng mas maraming train sets, na binubuo ng 19 3-car CKD train sets, at apat na 4-car CKD train sets sa mainline tuwing operational hours.
Ang bawat train car ay kayang magsakay ng 394 na pasahero. Ang isang 3-car CKD train set ay nakapagsasakay ng hanggang 1,182 na pasahero at ang 4-car CKD train set ay kayang magsakay ng hanggang 1,576 na pasahero.
Mayor Lacuna: Payout sa 203K seniors, malapit nang matapos
Matatandaan na nasa 250,000 hanggang 300,000 pasahero ang sumasakay sa MRT-3 kada araw bago magsimula ang pandemya noong Marso 2020.
